މިވަގުތު މިހުރީ ހުސްއަތާ، އެއްވެސް މަސައްކަތެއް ނެތް: ފާތިމާ
މިވަގުތު އެއްވެސް ޕްރޮޖެކްޓެއްގައި މަސައްކަތް ކުރަމުން ނުދާ ކަމަށާއި ކޮވިޑް-19އާ ގުޅިގެން މިވަގުތު އޭނާ ހުރީ "ހުސްއަތާ" ކަމަށް އަރަމުން އަންނަ ބޮލީވުޑްގެ ތަރި ފާތިމާ ސަނާ ޝެއިޚް ބުނެފިއެވެ.
މަގުމަތިން ދިމާވި ފޮޓޯގްރާފަރަކާ ވާހަކަދައްކަމުން ސަނާ ބުނެފައި ވަނީ، ކޮވިޑް-19 ހާލަތުން އެންމެން ވެސް މިންޖުވުމުން، އެހެން މީހުންނެކޭ އެއްގޮތަށް އޭނާއަށް ވެސް މަސައްކަތް ލިބޭނެ ކަމަށް އުންމީދު ކުރާ ކަމަށާއި އެހެން ނަމަވެސް މިހާރު ހުރީ އެއްކޮށް ހުސްކޮށް ކަމަށެވެ. އަދި އެއްވެސް ޕްރޮޖެކްޓެއްގައި މަސައްކަތް ކުރަމުން ނުދާ ކަމަށް އެވީޑިއޯގައި އޭނާ ބުނެފައިވެއެވެ.
View this post on Instagram
2016 ގައި އާމިރު ޚާންގެ "ޑަންގަލް" އިން ބޮލީވުޑަށް ނުކުތް ފާތިމާ ވަނީ މިއަހަރު ކުރީ ކޮޅު ކޮވިޑް-19 އަށް ފައްސިވެފައެވެ.
މިދިޔަ އަހަރު އޭނާގެ ދެ ފިލްމެއް ވަނީ ރިލީޒްކޮށްފައެވެ. އެއީ ނެޓްފްލިކްސް އިން ޕްރީމިއާކުރި "ލޫޑޯ" އާއި "ސޫރަޖް ޕޭ މަންގަލް ބާރީ" އެވެ. ފާތިމާ އެންމެ ފަހުން ފެނިގެން ގޮސްފައި ވަނީ ނެޓްފްލިކްސްގެ "އަޖީބް ދާސްތާންސް" އިންނާއި "ޖައިދީޕް އަލްލަވަޓް" އިންނެވެ.
ޑަންގަލް" ކުރިން ފާތިމާ ވަނީ ބައެއް ޓީވީ ޝޯތަކުން ފެނިގެން ގޮސްފައެވެ އޭގެ އިތުރުން "ތަގް އޮފް ހިންދުސްތާން އިން" އަމިތާބް، އާމިރު އަދި ކަޓްރީނާއާ އެކު އޭނާ ވަނީ ފެނިގެންގޮސްފައެވެ.
