މުސްލިމަކު ކާފަރުކުރުން ޖިނާއީ ކުށަކަށް ހަދާ ބިލާބެހޭ ގޮތުން އަދާލަތުގެ ކުއްލި ބައްދަލު ވުމެއް
އާންމު ތަނެއްގައި މުސްލިމަކު ކާފަރު ކުރުމުގެ ތުހުމަތު ކުރުމަކީ ޖިނާއީ ކުށެއްގެ ގޮތުގައި ކަނޑައަޅަން ގާނޫނުލް އުގޫބާތަށް އިސްލާހު ގެނައުމުގެ ބިލެއް ރައްޔިތުންގެ މަޖިލީހަށް ހުށަހެޅުމުން ދީނީ އިލްމުވެރިން ކަންބޮޑުވުން ފާޅު ކުރަމުންދަނިކޮށް، ވެރިކަން ކުރާ ކޯލިޝަންގައި ހިމެނޭ އަދާލަތު ޕާޓީގެ މަޝްވަރާ މަޖިލީހުގެ ކުއްލި ބައްދަލުވުމެއް މިއަދު ހެނދުނު ބާއްވައިފިއެވެ.
މައުލޫމާތު ލިބިފައިވާ ގޮތުގައި މި ބައްދަލުވުން ފެށުނީ މިއަދު ހެނދުނު 9:00 ޖެހި އިރުއެވެ. އަދި މި ބައްދަލުވުމަކީ ކުއްލި ބައްދަލުވުމެއްކަމުން، އެޖެންޑާ ފޮނުވާފައި ނުވާ ކަމަށާއި އެހެންވިޔަސް ރައްޔިތުންގެ މަޖިލީހަށް ހުށަހަޅައިފައިވާ ގާނޫނުލް އުގޫބާތަށް އިސްލާހު ގެންނަ ބިލަށް ވަރަށް ކަންބޮޑުވުން އޮތުމުން އެކަމަށް އަލި އަލުވައިލާނެ ކަމަށް ވަރަށް ބޮޑަށް ބެލެވޭ ކަމަށް އަދާލަތު ޕާޓީގެ ތަރުޖަމާނު އަދި ހޯމް މިނިސްޓްރީގެ ސްޓޭޓް މިނިސްޓަރު އަލީ ނަޒީރު ބައެއް މީޑިޔާތަކަށް މައުލޫމާތު ދެއްވަމުން ވިދާޅުވެފައިވެއެވެ.
ސަރުކާރުން ޖުޑިޝަލް ސާވިސް ކޮމިޝަންގެ ރައީސް އަދި ތުޅާދޫ ދާއިރާގެ މެންބަރު ހިސާން ހުސައިން ފޮނުވި އެ ބިލާ ގުޅިގެން، އޭގައި ލާދީނިއްޔަތު ފެތުރުމުގެ ޖާގަ އޮތް ކަމަށް ބުނެ ދީނީ އިލްމުވެރިންގެ ފާޑުކިޔުންތައް ވަނީ އިިންތިހާއަށް އިތުރުވެފައެވެ.
އަދި މިބިލު ހުށައެޅި މެންބަރު ހިސާންއަށް މަރުގެ އިންޒާރު ދޭތީ އެމްއެންޑީއެފުން ވަނީ އޭނާގެ ސެކިއުރިޓީ ވަރުގަދަކޮށްފައެވެ.
އިންޒާރެއް ނުދެވޭނެ