"ރައީސް ނަޝީދުގެ ފޮޓޯ ވިއްކައިގެން ހޮވުނު މީހުން އެމަނިކުފާނުގެ ކަރަށް ފައިން އަރައިފި"
ރައީސް މުޙައްމަދު ނަޝީދުގެ ފޮޓޯ ވިއްކައިގެން މަޖިލީހަށް ހޮވުނު ފަރާތްތަކުން މިއަދު އެމަނިކުފާނުގެ ކަރަށް ފައިން އަރާފައިވާ ކަަމަށް މަޖިލީހުގެ ގަލޮޅު ދެކުނު ދާއިރާގެ މެންބަރު މީކާއިލް ނަސީމް ވިދާޅުވެއްޖެއެވެ.
މީކާއިލް މިއަދު ކުރެއްވި ޓްވީޓެއްގައި ވިދާޅުވީ މިގޮތަށް ކަންތައް ކުރެއްވި ބޭފުޅުންނަކީ ގޮތެއްފޮތެއް ނެތް ބައެއް ކަމަށެވެ. މީކާއިލް މިމޭރުމުން ޓްވީޓް ކުރައްވައިފައި ވަނީ ރައީސް ނަޝީދަށް ދިން ހަމަލާއާ ގުޅިގެން މަޖިލީހަށް ވަކިވަކި ސިފައިން ހާޒިރު ނުކުރެވޭނެ ކަމަށް ބުނެ މަޖިލީހަށް ފޮނުވި ސިޓީގައި ސޮއިކޮށްފައިވާ ޑިފެންސް މިނިސްޓްރީގެ ޑެޕިއުޓީ މިނިސްޓަރު ހަސަން ޒަމީލްގެ މައްސަލަ ނުބަލަން މަޖިލީހުގެ ކޮމިޓީން ނިންމުމާ ގުޅިގެންނެވެ.
މިމައްސަލައިގައި މަޖިލީހުގެ ރައީސް ވަނީ، ރައްޔިތުންގެ މަޖިލީހުގެ އިމްތިޔާޒަށް އަރައިގަތް ކަމަށް ވިދާޅުވެ، އެ މައްސަލަ ބަލައިދިނުމަށް އެދިވަޑައިގެން އިމްތިޔާޒު ކޮމިޓީއަށް މައްސަލަ ހުށަހަޅުއްވައިފައެވެ. ނަމަވެސް މިމައްސަލަ ކުރިޔަށް ނުގެންދަން ކޮމިޓީން ރޭ ވަނީ ނިންމާފައެވެ.
"ދެން" އަށް އެނގިފައިވާ ގޮތުގައި މަޖިލީހުގެ އިމްތިޔާޒް ކޮމިޓީން މިމައްސަލަ ކުރިޔަށް ނުގެންދަން ހުށަހެޅީ ޖުމްހޫރީ ޕާޓީ ތިމަރަފުށީ ދާއިރާގެ ރައްޔިތުންގެ މަޖިލީހުގެ މެންބަރު އަބްދުﷲ ރިޔާޒެވެ. އަދި މައްސަލަ ކުރިޔަށް ނުގެންދަން ފާސްވެފައިވަނީ އެމްޑީޕީގެ ހަތަރު މެންބަރުންގެ ތާއީދާއެކުގައެވެ.
އެފެނިގެއް ހޮވިނުއެއްވެސް މެންބަރެއް ނެތް
ތިއޮތީވާ ބަރުގަދަ އެއްޗެއް ކަލޯމެންނަން ލިބިފަ.
ނަޝީދު ކެންޕޭނުކޮށްދިނުމަކީ ނަޝީދުގެ އަޅަކަށް ވާންޖެހޭ ކަމެއްތޯ؟