ސަމަންތާ ބުނަނީ 2017 އިން ފެށިގެން އޭނާ ބަނޑުބޮޑު ކަމަށް

ސައުތުގެ ފިލްމުތަކުން އާންމުންގެ މެދުގައި މަގުބޫލުކަން ހޯދަމުން އަންނަ ސަމަންތާ އަކިނެނީ އަކީ މުނިފޫހިފިލުވުމުގެ ދާއިރާގައި މިހާރު އާ ނަމެއް ނޫނެވެ. ޝްރީލަންކާގެ ޓެރަރިސްޓެއްގެ ރޯލުން އޭނާ އެންމެ ފަހުން ފެނިފައިވާ "ދަ ފެމިލީ މޭން 2" އިން ވެސް ސަމަންތާ ވަނީ އެތައް ބައެއްގެ ހިތްތައް ދަމައިގެންފައެވެ.

Ads by STELCO

އިންޑިއާގެ ސައުތު ފިލްމު ސިނަމާގައި މިހާރު ފިޔަޖަހަމުން އަންނަ ސަމަންތާ ވެސް މިވަނީ ލިބެމުން އަންނަ މަޝްހޫރުކަމާ އެކު، ދުވަހުން ދުވަހަކަށް ޚަބަރުތަކުގެ ފަލަ ސުރުހީއަށް އަރަން ފަށައިފައެވެ. އަދި މީސް މީޑިއާގައި ވެސް އޭނާއާ ބެހޭ އެކިއެކި ވާހަކަތަށް ދައުރުވަމުން ދެއެވެ.

އެގޮތުން ދާދި ފަހުން މީސް މީޑިއާގައި ދައުރުވެފައި ވަނީ މީގެ ދުވަސްތަކެއް ކުރިން، ފޭނެއް ކުރި ސުވާލަކަށް ސަމަންތާ ދީފައިވާ ޖަވާބުގެ ކުރު ވީޑިއޯ ކްލިޕެކެވެ.

އެ ވީޑިއޯގައި ސަމަންތާ ގާތު އެ މީހާ އަހައިފައި ވަނީ އޭނާ ބަނޑުބޮޑުތޯއެވެ.

އެ ސުވާލަށް ޖަވާބުދެމުން ސަމަންތާ ބުނީ 2017 ވަނަ އަހަރުން ފެށިގެން އޭނާ އިނީ ބަލިވެކަމަށް ހީވާ ކަމަށާއި ބަނޑުގައި އޮތް ދަރިފުޅު ނިކުންނަން ބޭނުންވާހެން ހީނުވާ ކަމަށެވެ.

ސަމަންތާގެ އެ ޖަވާބު ވެގެން ދިޔައީ ބައެއް މީހުންގެ ކިބައިން އޭނައަށް ތައުރީފު ލިބުނުއިރު އަނެއް ބައެއްގެ ފަރާތުން ފާޑުކިޔުން ވެސް އަމާޒުވިއެވެ.