އަންހެން ކުދިން ހިތާނު ކުރަން ހިތްވަރު ދޭފަދަ ގޮތަކަށް ވާހަކައެއް ނުދައްކަން: ޑރ. އިޔާޒް
އަންހެންކުދިން ހިތާނު ކުރަން ހިތްވަރު ދޭފަދަ ގޮތަކަށް ވާހަކަ ނުދައްކަވާ ކަމަށް ރާއްޖޭގެ ޤައުމީ ޔުނިވަރސިޓީގެ އެސިސްޓަންޓް ޕްރޮފެސަރ ޑރ. މުޙައްމަދު އިޔާޒު ވިދާޅުވެއްޖެއެވެ.
ޑރ. އިޔާޒް މިހެން ވިދާޅުވެފައި މިވަނީ އަންހެނުން ހިތާނުކުރުމުގެ ނަމުގައި ހިންގާ، "ފީމޭލް ޖެނިޓަލް މިއުޓިލޭޝަން" (އެފްޖީއެމް)އަށް ހިތްވަރު ދިން ކަމަށް ބުނާ މައްސަލައެއް ރައްޔިތުންގެ މަޖިލީހަށް ހުށަހެޅުމާ ގުޅިގެންނެވެ.
މިކަމާ ގުޅިގެން "ދެން" އިން ސުވާލު ކުރުމުން ޑރ. އިޔާޒް ވިދާޅުވީ ކުރެއްވި ޓްވީޓަކާ ގުޅިގެން މަޖިލީހަށް މައްސަލައެއް ހުށަހަޅާފައި ވުމާ ގުޅިގެން، ޑރ. އިޔާޒް ވަޒީފާއިން ވަކި ކުރަން އުޅޭކަމުގެ ޕްރެޝަރުތަކެއް އައިސްފައިވާ ކަމަށެވެ. ނަމަވެސް ރަސްމީކޮށް ޤައުމީ ޔުނިވާސިޓީން އަދި އެއްވެސް ކަމެއް އެމަނިކުފާނަށް އަންގާފައި ނުވާ ކަމަށް ވެސް ޑރ. އިޔާޒް ވިދާޅުވިއެވެ.
"އަންހެންކުދިން ހިތާނު ކުރުމާ ގުޅޭގޮތުން އިސްލާމިކް ކިޔުއޭއިން ކޮށްފައިން ދިރާސާއެއްގެ ޓްވީޓެއް އަޅުގަނޑު ކުރީ. އޭގަ އަޅުގަނޑު އެއްވެސް ވަރަކަށް އެކަން ޕްރޮމޯޓު ކުރާކަށް އަދި ނަފީ ކުރާކަށް ވެސް ނެތިން. އަޅުގަނޑު އެ ޓްވީޓު ކުރުމުގެ ހަމައެކަނި ބޭނުމަކީ އަންގައިލުން އެއީ ބަޔަކު މީހުން ކޮށްފައި އޮތް ދިރާސާއެއްކަން. އަޅުގަނޑު ބުނަން ބޭނުންވީ އެބޭފުޅުން ވެސް ނިކަން ދައްކަބަލާށޭ ދިރާސާއެއް، އެއީ ކުރަން ނުވާ ވަރު ކަމެއްކަން ދެއްކުމުގެ ގޮތުން." ޑރ. އިޔާޒް ވިދާޅުވިއެވެ.
ޑރ. އިޔާޒް އިތުރަށް ވިދާޅުވީ، އަންހެން ކުދިން ހިތާނު ކުރުން ޕްރޮމޯޓު ނުކުރައްވާ ކަމަށާއި އެކަން ކުރަން ވެސް ގޮވައިނުލައްވާ ކަމަށެވެ.
ރާއްޖޭގެ މަޝްހޫރު ދީނީ ޢިލްމުވެރިޔާ ޑރ. އިޔާޒް، އަންހެން ކުދިން ހިތާނު ކުރުމަށް ހިތްވަރު ދިން ކަމަށް ބުނެ ރައްޔިތުންގެ މަޖިލީހަށް މައްސަލަ ހުށަހެޅުއްވީ އެމްޑީޕީއަށް ނިސްބަތްވާ ގަލޮޅު ދެކުނު ދާއިރާގެ މެމްބަރު މީކާއިލް އަހުމަދު ނަސީމްއެވެ.
މީކާއިލް ހުށައެޅުއްވި މައްސަލައިގައި ވިދާޅުވެފައި ވަނީ އަންހެނުން ހިތާނުކުރުން ފަދަ ނުރައްކާތެރި އަމަލުތަކަށް ހިތްވަރު ލިބޭ ގޮތަށް މުއައްސަސާތަކުގެ ޒިންމާދާރު މަޤާމުތަކުގައި ތިއްބަވާ ބޭފުޅުން މަސައްކަތް ކުރެއްވުމަކީ ކަންބޮޑުވާކަމެއް ކަމަށާއި އެއީ ދިވެހިރާއްޖޭގައި އަންހެނުން ނުރައްކަލަށް ހުށަހެޅި އަންހެނުންގެ ހައްގުތައް ރައްކާތެރިކުރުމަށް ހުރަސް އެޅޭނޭ ކަމެއް ކަމަށެވެ.
މީކާއިލް ވަނީ މި މައްސަލަ މަޖިލީހުގެ ހިއުމަން ރައިޓްސް އެންޑް ޖެންޑަރ ކޮމިޓީ މެދުވެރިކޮށް، މި މައްސަލަ ބަލައިދިނުމަށް އެދިވަޑައިގެންފައެވެ.
ދައްކާނެ ނުދައްކާނެ ވާހަކައެއް ނޭނގިގެން މި ލާދީނީ ބައިގަނޑު މި ތެޅެނީ..ކޮންމެސް އެއްޗެކޭ ކިޔައިގެން އިސްލާމް ދީނަސް ހަޖޫޖެހޭތޯ.
ކަލެޔައް ކިޔޭ ނުކިޔޭ އެއްޗެއް އިނގޭ؟