ބޮމުގެ ހަމަލާއަށް ފަހު ނަޝީދުގެ ރަސްމީ ފުރަތަމަ ބައްދަލުވުން ޖަރުމަނުގައި
ނިމިދިޔަ މެއި މަހުގެ ހަވަނަ ދުވަހު، ރައްޔިތުން މަޖިލީހުގެ ރައީސް, ރައީސް މުހައްމަދު ނަޝީދަށް އަމާޒުކޮށް ދިން ބޮމުގެ ހަމަލާއަށް ފަހު އެމަނިކުފާނުގެ ރަސްމީ ފުރަތަމަ ބައްދަލުވުމެއް ޖަރުމަނުގައި ބާއްވައިފިއެވެ.
ނަޝީދު ވަނީ އިއްޔެ ޖަރުމަނުގެ ގާނޫނު ހަދާ މަޖިލީހުގެ ތިރިގޭގެ ރައީސް ވުއަލްފްގަންގް ޝުއައިބުލައާ ބައްދަލުކުރައްވައިފައެވެ.
މި ބައްދަލުވުމުގައި މެކްސް ޕްލޭންކް ފައުންޑޭޝަންއިން ރައްޔިތުންގެ މަޖިލީހުގެ މެމްބަރުންނާއި، ސެކްރެޓޭރިއޭޓުންނަށް ފޯރުކޮށްދެމުންދާ ޓެކްނިކަލް އެހީތެރިކަން ފާހަގަކުރައްވާ ނަޝީދު ވިދާޅުވީ، ޖަރުމަން ސަރުކާރުގެ ފަރާތުން ރާއްޖެއަށް ފޯރުކޮށްދެމުންދާ އެހީތެރިކަަމަށް ޝުކުރު އަދާ ކުރައްވާ ކަމަށެވެ.
މެއި ހަވަނަ ދުވަހުގެ ހަމަލާއަށް ފަހު ނަޝީދަށް ފަރުވާ ދެއްވުމަށް ޓަކައި އެންމެ ފުރަތަމަ ގެންދެވީ އޭޑީކޭ ހޮސްޕިޓަލަށެވެ. އަދި 16 ގަޑިއިރުގެ ބޮޑު އޮޕަރޭޝަނަކަށް ފަހު މެއި މަހުގެ 13 ވަނަ ދުވަހު އިތުރު ފަރުވާއަށް އެމަނިކުފާނު ވަނީ ޖަރުމަނަށް ވަޑައިގެންފައެވެ.
އެމަނިކުފާނުގެ ހާލަތު ރަނގަޅުވަމުން އަންނަ ކަމަށާއި، ކޮންމެވެސް ވަރަކަށް ކޮމްޕްލިކޭޝަންސް އެބަހުރި ކަމަށް އެމަނިކުފާނުގެ ކޮއްކޯފުޅު ނާޒިމް ސައްތާރު ވަނީ ވިދާޅުވެފައެވެ. އަދި ހަމަލާގައި ލިބުނު އަނިޔާގެ ސަބަބުން ނަޝީދުގެ ވައަތު ކަންފަތަށް އަޑު އިވުމުގެ މައްސަލަ އެބަހުރި ކަމަށާއި ކަނާތު އަތުގެ ތިން އިނގިއްޔެއް ހަރަކާތް ނުކުރެވޭ ކަމަށް ވެސް ނާޒިމް ވިދާޅުވިއެވެ.
ތިޔައީ ރަސްމީ ބައްދަލު ވުމެކޭ ކިޔައިގެން ނުވާނެ . ތީނަ އަކީ މަޖްލިސްގެ ރައީސް ކަމަށް ވިޔަސް ޗުއްޓީގަ ހުރެ ކުރާ ކަންތައް .
ބޭސްފަރުވާ ދިއުމަކީ ވެސް ރަސްމީ ދަތުރެއް ދޯ