ރާއްޖެެއިން ބޭރުން އަންނަ މީހުން ކަރަންޓީނު ވާން ގެސްޓު ހައުސް ހޯދަނީ
ރާއްޖެއިން ބޭރުން އަންނަ މީހުން ކަރަންޓީނު ވާން ހޮޓަލާއި ގެސްޓު ހައުސް ހޯދަން ހެލްތު މިނިސްޓްރީން އިއުލާނުކޮށްފިއެވެ.
ހެލްތު މިނިސްޓްރީން ކުރި އިއުލާނެއްގައި ވިދާޅުވެފައި ވަނީ ރާއްޖެއިން ބޭރުން އަންނަ ފަރާތްތަކުން ކަރަންޓީން ވާން ހޮޓެލް، ގެސްޓްހައުސް ފަދަ ތަންތަން ހަމަޖެއްސުމަށް ބޭނުންވާތީ ޝައުގުވެރިވާ ފަރާތްތައް ހޯދަން ބޭނުންވާ ކަމަށެވެ.
ކޮވިޑާ ގުޅިގެން އަޅާފައިވާ ފިޔަވަޅުތަކަށް ލުއިދިނުމުގެ ގޮތުން، ރާއްޖެއިން ބޭރުން އަންނަ ދިވެހިންނާއި ރާއްޖެއަށް ވޯކް ވިސާގައި އަންނަ ބިދޭސީން ކަރަންޓީނު ވާން ނުޖެހޭ ގޮތަށް ނިންމައިފައި ވަނީ މިދިޔަ އަހަރުގެ ޑިސެންބަރު މަހުގެ 16 ވަނަ ދުވަހުއެވެ. ނަމަވެސް ކޮވިޑްގެ ކޭސްތައް މާލެ ސަރަހައްދުގައި އިތުރުވަމުން އަންނާތީ، އެޗްޕީއޭއިން ވަނީ އަނެއް ކާވެސް ފަތުރުވެރިން ފިޔަވައި، ދެން ރާއްޖެ އަންނަ އެހެން ފަރާތްތައް ކަރަންޓީނު ކުރަން ނިންމައިފައެވެ.
މި ފަރާތްތައް ކަރަންޓީނު ވާން ޖެހޭނީ 10 ދުވަހުގެ މުއްދަތަކަށެވެ.
މާލެއިން ރާއްޖެތެރެއަށް ދާމީހުން އަމިއްލަ ހަރަދު ކޮށްގެން ކަރަންޓީން ވެފަ، ބޭރުގައުމުތަގަ ތިބެފަ އަންނަ ޕާރޓީ ކުދިން ސަރުކާރުން ހަރަދުކޮށްގެން އަގުބޮޑު ކޮޓަރިތަކުގަ.