ޓޮނިކްތަކަކާއި ގިނަ އަދަދެއްގެ ބަނގުއާވި ނައްތައިލައިފި
މޯލްޑިވްސް ކަސްޓަމްސް ސާވިސްގެ ބެލުމުގެ ދަށުގައި ހުރި ގިނަ އަދަދެއްގެ ބަނގުއާތްވާއި ޓޮނިކްތަކެއް ނައްތާލައިފިއެވެ.
ކަސްޓަމްސް އިން ވިދާޅުވީ ނައްތާލައިފައި ވަނީ 12،013 ލީޓަރުގެ ބަނގުއާތްވާއި 3،535 ލީޓަރުގެ ޓޮނިކް ކަމަށެވެ. އަދި މި ތަކެތި ނައްތާލައިފައި ވަނީ ކ. ތިލަފުށީ ކުނި ނައްތައިލާ ސަރަހައްދުގައި ޖުލައި 22 ވަނަ ދުވަހު ކަމަށް ވެސް ކަސްޓަމްސްއިން ހާމަކުރެއެވެ.
ކަސްޓަމްސްއިން ކުރި ޓްވީޓެއްގައި ބުނެފައި ވަނީ މި ތަކެތި ނައްތައިލައިފައި ވަނީ ކަސްޓްމްސްގެ އާންމު ގަވާއިދުގެ 269 ވަނަ މާއްދާގެ ދަށުން ބޮންޑެޑް ވެއާހައުސްގައި ހުންނަ މުދާ ހަލާކުވުމުން ނުވަތަ މުއްދަތު ހަމަވުމުން ނުވަތަ މި ނޫން ވެސް ސަބަބަކާހުރެ ނައްތައިލުމުގައި ކަސްޓަމްސްއިން އަމަލުކުރާ އުސޫލުގެ ދަށުން ކަމަށެވެ. އަދި އެކިއެކި ސަބަބުތަކާ ހުރެ ކަސްޓަމްސްގައި ހިފަހައްޓައިފައި ހުންނަ ތަކެތި ކަނޑައަޅައިފައިވާ އުސޫލުގެ ދަށުން ނައްތައިލާނެ ކަމަށް ކަސްޓަމްސްގެ އާންމު ގަވާއިދުގައި ބަޔާންކޮށްފައިވާ ކަމަށް ވެސް އެ ފަރާތުން ބުނެއެވެ.
Ads by STO
