ޕްރިޔަންކާއާއި ޕަރިނީތީ އެންމެ އަވަހަކަށް ކުޅޭނީ "އާރމް ރެސްލިން" މެޗެއް
ބޮލީވުޑްގެ ތަރި ޕަރިނީތި ޗޯޕްރާ އަދި އޭނާގެ ދެބެންގެ ދެ ދަރި ދައްތަ ޕްރިޔަންކާ ޗޯޕްރާއާއި ދެމީހުން އެންމެ އަވަހަށް ދިމާވާ ފަހަރަކުން "އާރމް ރެސްލިން" މެޗެއް ކުޅުމަށް ޕްރިޔަންކާ، ޕަރިނީތީއަށް ދައުވަތު ދީފިއެވެ.
ހޮލީވުޑްގެ ޕޮޕް ލަވަ ކިޔުންތެރިޔާ ނިކް ޖޯނަސްއާއި ކައިވެނިކޮށް ލަންޑަނަށް ދިރިއުޅުން ބަދަލުކޮށްފައިވާ ޕްރިޔަންކާ އޭނާގެ ކޮއްކޮއަށް މި ދައުވަތު ދިނީ އިންސްޓަރގްރާމް ސްޓޯރީއަކުންނެވެ. މިގޮތުން ޕަރިނީތީއަށް އޭނާގެ ފޭނަކު ކޮށްފައިވާ "ކޫލް" ސުވާލެއްގައި ބުނެފައި ވަނީ "އާރމް ރެސްލިން މެޗަކުން ޕްރިޔަންކާ ބަލި ކުރެވިދާނެތޯ"އެވެ. އެ ސުވާލަށް ޖަވާބު ދެމުން ޕަރިނީތީ ބުނެފައި ވަނީ "ނޫން އަހަންނަށް ހީވަނީ އޭނަ އަހަރެން ބަލި ކޮށްފާނެހެން" ކަމަށެވެ.
"ދެން ފަހަރަކުން ގެޔަށް އައިސް މެޗެއް ކުޅެލުން ކިހިނެތްވާނެ؟" ޕަރިނިތީގެ މި ސްޓޯރީ ރިޕޯސްޓް ކުރަމުން ޕްރިޔަންކާ ބުނެފައިވެއެވެ.
ކޮންމެއަކަށް ފޭނުން މިހާރު އިންތިޒާރު ކުރަމުން ދަނީ ޕްރިޔަންކާއާއި ޕަރިނީތީގެ "އާރމް ރެސްލިން" މެޗަށެވެ. ބޮލީވުޑްގެ އާއްމު އެހެން އާއިލާތަކަށް ވުރެ ގުޅުން ބަދަހިކޮށް ފެންނަ މިދެ ފަންނާނުން އެކަކު އަނެކަށް ފިލްމު ކުޅުމުގެ ކަންކަމުގައި ވެސް އެހީވެދީ ނަސޭހަތް ދީ ހަދާކަމަށް ރިޕޯޓްތަކަށް ބުނެއެވެ. މިގޮތުން ޕަރިނިތީއަށް ފިލްމުގައި އެކްޓް ކުރަންވީ ގޮތް ކިޔައިދީ ކުޅެންވީ ފިލްމާއި ނުކުޅެންވީ ފިލްމު ވެސް ޕްރިޔަންކާ ބުނެދޭކަމަށް ޚަބަރުތައް ބުނެއެވެ.
Ads by STO
