އަލީ ވަހީދުގެ ޝަރީއަތް އަންނަ ހަފްތާއަށް ފަސްކޮށްފި
މުވައްޒަފުންތަކަކަށް ޖިންސީ ގޯނާ ކުރި ކަމުގެ ތުހުމަތު އުފުލިފައިވާ ކުރީގެ ޓޫރިޒަމް މިނިސްޓަރ އަލީ ވަހީދު ސުޕްރީމް ކޯޓަށް ހާޒިރުވުމަށް އަންގައި އެ ކޯޓުން އޭނާއަށް ޗިޓް ފޮނުވި މައްސަލައިގެ ޝަރީއަތް އަންނަ ހަފްތާއަށް ފަސްކޮށްފިއެވެ.
އަލީ ވަހީދުގެ ޝަރީއަތްތައް ކްރިމިނަލް ކޯޓުގައި އޮންލައިންކޮށް ކުރިއަށް ގެންދާތީ، އެގޮތަށް ޝަރީއަތް ކުރިއަށް ނުގެންދެވޭނެ ކަމަށް ބުނެ ދައުލަތުން ވަނީ އެ މައްސަލަ ހައި ކޯޓުގައި އިސްތިއުނާފު ކޮށްފައެވެ.
ނަމަވެސް ހައިކޯޓުން އެ މައްސަލަ ބޭރުކޮށްލުމާ ގުޅިގެން ދައުލަތުން ވަނީ ސުޕްރީމް ކޯޓުގައި އެ މައްސަލަ އިސްތިއުނާފު ކޮށްފައެވެ. އެ މައްސަލައިގައި އެ ކޯޓުން ވަނީ މިދިޔަ މަހުގެ 15ގައި އަލީ ވަހީދު ކޯޓަށް ހާޒިރުވުމަށް ޗިޓު ފޮނުވައިފައެވެ. ނަމަވެސް އެނގިފައިވާ ގޮތުގައި އަލީ ވަހީދު އަދި ރާއްޖެ އައިސްފައެއް ނުވެއެވެ.
އަލީ ވަހީދުގެ މި މައްސަލައިގެ އަޑުއެހުން ތާވަލްކުރީ މާދަމާ ސުޕްރީމް ކޯޓުގައި ކުރިއަށް ގެންދާ ގޮތަށެވެ. ނަމަވެސް މިހާރު ވަނީ މާދަމާ ބާއްވަން ހަމަޖެއްސި ޝަރީއަތުގެ އަޑުއެހުން އަންނަ ހަފްތާގެ ބުދަ ދުވަހަށް ފަސްކޮށްފައެވެ.
މާދަމާގެ ޝަރީއަތް ފަސްކުރި ވަކި ސަބަބެއް އެނގިފައެއް ނުވެއެެވެ.
