އާލިއާއަކީ ސުކޫލުދައުރުގައި ފެއިލްވި ކުއްޖެއް!
ބޮލީވުޑްގައި އެންމެ ކާމިޔާބު އެއް ބަތަލާ ކަމަށްވާ އާލިޔާ ބަޓް އެންމެ ފުރަތަމަ މީހަކާ ލޯބީގެ ގޮތުން ގުޅުނީ ކިތައް އަހަރުންކަން ހާމަކޮށްފިއެވެ.
އިންޑިއާގެ ބޮލީވުޑް ތަރިންގެ ތެރެއިން މިހާރު އެންމެ އަގުބޮޑުކޮށް ފިލްމު ކުޅޭ އެކްޓަރުންގެ ތެރޭގައި ހިމެނޭ އާލިއާ އަކީ ސްކޫލް ދައުރުގައި “ފެއިލް”ވި ކުއްޖެއް ކަމަށް ހަބަރުތަކުން ރިޕޯޓުކުރެއެވެ. ސްކޫލުގައި އުޅުނުއިރު ކިޔެވުމުގެ ބަދަލުގައި އެހެން ކަންކަމުގައި ޝާމިލުވެ އުޅުނެވެ.
އޭގެ ތެރެއިން އެއް ކަމަކަށް ވެގެން ދިޔައީ މީހުންނާ ރައްޓެހިވުމެވެ. “ސީރިއަސް” ގުޅުމެއް ނޫންކަމަށް ބުނެ އެތައް ކުދިންނާ ގުޅުން ބޭއްވިކަމަށް ހަބަރުތައް ބުނެއެވެ. ލޯބީގެ ގޮތުން އާލިއާ މީހަކާ ރައްޓެހިވީ އުމުރުން 12 އަހަރުގައެވެ.
އެ ގުޅުން 2 އަހަރަށް ދެމިގެންދިޔައެެވެ. އެއަށްފަހު ސްކޫލު ދައުރު ނިމި އެކްޓިންއަށް ފުރުސަތު ލިބުމުން އޭރު ރައްޓެހިވި ކުއްޖާއާ ރުޅިވިއެވެ. ދެން އާލިއާ ލޯބީގެ ގޮތުން ގުޅުނީ އެކުގައި އެންމެ ފުރަތަމަ ފިލްމުން ފެނިގެން ދިޔަ ސިދާތު މަލޯތްރާއާއެވެ.
ސިދާތުއާ ލޯބީގެ ގޮތުން ގުުޅިގެން އުޅުމަށް ފަހު މަޝްހޫރު ވާން ފެށުމުން ބޮލީވުޑްގެ އެހެން ތަރިއަކާ ގުޅުން ބޭއްވުމަށް އާލިއާ ސިދާތުއަށް “ޗީޓް” ކުރީ ކަމަށް ސިދާތު ބުނެއެވެ. އޭނާއަށް ފަހު ދެން އާލިއާ ރައްޓެހިވީ ބޮލީވުޑްގައި މަޝްހޫރު ތަރި ރަންބީރް ކަޕޫރްއާއެވެ.
މިހައިތަނަށް އާލިޔާ ގިނަ ފިލްމުތައް ކުޅެފައިވާއިރު އާންމުންގެ ތެރޭގައި އެންމެ މަގުބޫލުކަން ހޯދީ "ސްޓޫޑަން އޮފް ދަ ޔިއަރ" ފިލްމުންނެވެ. އެއީ އާލިޔާ ފިލްމީ ދާއިރާއިން ފެނުނު ފުރަތަމަ ފިލްމު ވެސް މެއެވެ.
