ސްކޫލްތައް ކައިރީ ގަވާއިދާ ޚިލާފަށް ޕާކުކޮށްފައިވާ އުޅަނދުތައް ނަގަން ފުލުހުން އަންގައިފި
ސްކޫލްތައް ކައިރީ ގަވާއިދާ ޚިލާފަށް ޕާކުކޮށްފައިވާ އުޅަނދުތައް ނަގަން ޓްރެފިކް ފުލުހުން އަންގައިފިއެވެ.
ޓްރެފިކް ކަންކަމާ ބެލޭ ފުލުހުންގެ އިދާރާއިން މިއަދު ކުރި ޓްވީޓެއްގައި ވިދާޅުވީ، އޮގަސްޓް 9ވަނަ ދުވަހުގެ 18:00ގެ ކުރިން ސްކޫލްތައް ކައިރީ ގަވާއިދާ ޚިލާފަށް ޕާކުކޮށްފައިވާ އުޅަނދުތައް އެ ސަރަޙައްދުތަކުން ނަގަން އެދޭ ކަމަށެވެ. އަދި މިގޮތަށް އެދިފައި ވަނީ، އޮގަސްޓް 10ވަނަ ދުވަހު ސްކޫލްތަކުގެ ކިޔެވުން ފެށުމަށް ހަމަޖެހިފައި ވާތީ ކަމަށް ވެސް ފުލުހުން ހާމަކުރެއެވެ.
ސްކޫލުތަކުގެ ކައިރީގައި ނުޤަވާއިދުން ޕާކުކޮށްފައި ހުރި ވެހިކަލްތައް ނެގުމަށް އަންގައިފައި މި ވަނީ މާލޭގެ މަގުމައްޗަށް އުކައިލައިފައިވާ ވެހިކަލްތައް ނެގުން މާލޭ ސިޓީ ކައުންސިލުން ކުރިއަށް ގެންދަނީ އިންސާފުން ނޫން ކަމަށް ބުނެ ރޭ ލިބުނު ޝަކުވާއަކާ ގުޅިގެން އެ މަސައްކަތް ވަގުތީ ގޮތުން ހުއްޓައިލައިފައިވާ ދަނޑިވަޅެއްގައެވެ.އެ ގޮތަށް ނިންމައިފައި ވަނީ، ކޮވިޑް-19 ސަބަބުން އެކިތަންތަނުގައި މީހުން ތާށިވެފައިވާ ދަނޑިވަޅެއްގައި، އެ މީހުން ދުއްވަމުން އައި ވެހިކަލްތައް މާލޭގެ މަގުތަކުގައި ހުންނާނެތީ، އެއީ ބޭނުން ނުކޮށް ދޫކޮށްލައިފައިވާ ތަކެތި ކަމަށް ބަލާތީއެވެ.
މަގުމައްޗަށް އުކައިލައިފައި ހުންނަ ވެހިކަލްތައް ފުލުހުން ވެސް ޓޯކުރެއެވެ.
ދިވެހިރާއްޖޭގަ މާލެ ނޫން ރަށެއް ނެތް