އަފްގާނިސްތާނުގެ 18 ސިޓީއެއް ތާލިބާނުންގެ އަތްދަށުވެ، ދާޚިލީ ހަނގުރާމައެއް ފެށިދާނެ ކަމުގެ ބިރު ބޮޑުވެއްޖެ

އަފްގާނިސްތާނުގެ 18 ސިޓީއެއް ތާލިބާނުންގެ އަތްދަށަށް ގޮސް އެގައުމުގައި ދާހިލީ ހަނގުރާމައެއް ފެށި ދާނެކަމުގެ ބިރު ހީވެއްޖެއެވެ.

Ads by Sosun Fihaara

މަޝްރަހު ދިރާސާ ކުރާ ފަރާތްތަކުން ބުނާ ގޮތުގައި އަފްގާނިސްތާނުގައި ހަރަކާތްތެރިވާ ތާލިބާނު ހަނގުރާމަވެރިންގެ ހަރަކާތްތައް ވަރުގަދަވެ ވެރިރަށް ކާބުލްއާ ގާތަށް ހަނގުރާމަވެރިން ކައިރިވަމުންދާއިރު މިއީ ނުރައްކާތެރި ސިގްނަލެއްކަމަށް މީގެ ކުރިން ވެސް ވަނީ ލަފާ ކުރެވިފައެވެ.

ތާލިބާނުން ހިފައިފައިވާ ޕްރޮވިންސިއަލް ކެޕިޓަލްތަކުގެ ތެރޭގައި ގަލަތު، ތެރެންކޮޓް، ޕުލް އެ އާލަމް، ފެރުޒްކޮހް، ގަލާ އެ ނައު އަދި ލަޝްކަރު ގަހް އަދި ހެރަތުއާއި ކަންދަހާރް ހިމެނެއެވެ. މިއާ އެކު ޖުމްލަ 18 ސިޓީއެއް މިހާރު ވަނީ ތާލިބާނުންގެ އަތްދަށުގައެވެ.

މިދިޔަ ހުކުރު ދުވަހުން ފެށިގެން މިހާތަނަށް ތާލިބާނުން އަފްގާންގެ 18 ޕްރޮވިންސްއެއް ހިފައިފައިވާއިރު މީގެ ތެރޭގައި ހިމެނޭ ފަރަހް ޕްރޮވިންސްގެ ޕޮލިސް ހެޑްކުއާޓާއާއި ގަވަރުނަރުގެ އޮފީސް ވެސްް ތާލިބާނުންގެ ބާރުގެ ދަށުގައެވެ. އަދި އެ ޕްރޮވިންސްގެ ޖަލުތައް ވެސް ވަނީ ތާލިބާނުންގެ އަތްދަށުގައި ކަމަށް ރިޕޯޓްތައް ބުނެއެވެ. މިދިޔަ ހުކުރު ދުވަހު ތާލިބާނުންގެ އަތްދަށަށް ވަނީ ނިމްރުޒް ޕްރޮވިންސް ވެސް ގެންގޮސްފައެވެ.

މީގެ އިތުރުން ކުންދުޒް އަދި ތަކްހަރު ޕްރޮވިންސް ވެސް ވަނީ ތާލިބާނުންގެ އަތްދަށަށް ގެންގޮސްފައެވެ. އަދި ޖަވުޒްޖަންގެ ޝެބެރގާން ސިޓީ ވެސް ވަނީ ތާލިބާނުންގެ ބާރުގެ ދަށަށް ގެންގޮސްފައެވެ.

ތާލިބާން ހަނގުރާމަ ވެރިންގެ ހަމަލާތައް ވަރުގަދަވެ ވެރިރަށް ކާބުލްއާ ގާތަށް ގޮސްފައިވާއިރު މިހާރު ވެސް ދޭތެރެ ދޭތެރެއިން ކާބުލްގެ އެކި ސަރަހައްދު ތަކުގައި ތާލިބާނުން ދަނީ އެކި އެކި ހަމަލާތައް ދެމުންނެވެ.