ބްރެޒިލްއިން ރާއްޖެ އައި މީހެއްގެ އަތުން 15 މިލިއަން ރުފިޔާގެ މަސްތުވާތަކެތި އަތުލައިގެންފި
ބްރެޒިލްއިން ރާއްޖެއައި މީހެއްގެ އަތުން ޖުމްލަ 3.197 ކިލޯގެ މަސްތުވާތަކެތި އަތުލައިގެންފިއެވެ.
މޯލްޑިވްސް ކަސްޓަމް ސަރވިސްއިން ވިދާޅުވީ، އިއްޔެ މެންދުރުފަހު ރާއްޖެ އައި އުމުރުން 31 އަހަރުގެ ބްރެޒިލް އަންހެނެއްގެ ޢަމަލުތައް ހުރިގޮތުން އެމީހާއާ މެދު ޝައްކުކުރެވިގެން، އޭނާގެ ލަގެޖް ކަސްޓަމްސްއިން ބަލައި ފާސްކުރިއިރު، ލަގެޖުގެ ތެރެއިން މަސްތުވާތަކެތި ކަމަށް ޝައްކުކުރެވޭ ތަކެތި ފެނިފައިވާކަމަށެވެ.
އަދި އެ މަސްތުވާތަކެތީގެ މަގުމަތީ އަގު 15,985,000.00 (ފަނަރަ މިލިއަން ނުވަލައްކަ އަށްޑިހަފަސް ހާސް) ރުފިޔާއަށް އަރާކަމަށާއި އެމީހާއާއި މަސްތުވާތަކެތި އިތުރަށް ތަހްޤީޤް ކުރުމަށް ޓަކައި މޯލްޑިވްސް ޕޮލިސް ސަރވިސްއާ ޙަވާލު ކުރެވިފައިވާކަމަށް ވެސް ކަސްޓަމްސްއިން ވިދާޅުވިއެވެ.
ކަސްޓަމްސް އިން ވިދާޅުވީ އެމީހާ އަތުން އަތުލައިގަނެވުނު މަސްތުވާތަކެތީގެ ޖުމްލަ ބަރުދަނުގައި 3.197 ކިލޯގުރާމް ހުރިކަމަށެވެ.
ކޮން ޝައްކެއް، ފަހުން ގޮޮދަން ފުށަށް ހަދަން ދޯ، ރައްޔިތުން ނަށް ކަށަވަރު ތެދު މައުލޫމާތު ދެއްވާ،