ރިޔާޒްގެ ގެސްޓްހައުސްގެ ފުރަތަމަ މެހެމާނަކީ ރައީސް ޞާލިޙް
ރައްޔިތުންގެ މަޖިލީހުގެ ތިމަރަފުށީ ދާއިރާގެ މެމްބަރު އަބްދުﷲ ރިޔާޒް ތ. ތިމަރަފުށީގައި އިމާރާތްކުރި ގެސްޓު ހައުސްގެ ފުރަތަމަ މެހެމާނަކަށް ރައީސް އިބްރާހިމް މުހައްމަދު ޞާލިޙް ވެ ވަޑައިގަތުމަކީ ލިބިޑައިގަތް ފަޚުރެއް ކަމަށް އޭނާ ވިދާޅުވެއްޖެއެވެ.
ތ. އަތޮޅަށް ރައީސް ޞާލިޙް ކުރައްވަމުން އަންނަ ތިން ދުވަހުގެ ދަތުރުފުޅުގައި، ތިމަރަފުށީގައި މަޑުކުރައްވަނީ، މެންބަރު ރިޔާޒްގެ ގެސްޓް ހައުސް ސްޓޭ މިކާޑޯގައެވެ.
މިކަން ހާމަކުރައްވަމުން މެންބަރު ރިޔާޒު ވިދާޅުވީ އެ ގެސްޓު ހައުސްގައި ރައީސް ޞާލިޙް މަޑުކުރެއްވުމަކީ އެތަނުގައި މަސައްކަތް ކުރާ އެންމެންނަށް ވެސް ލިބުނު ވަރަށް ބޮޑު ހިތްވަރެއް ކަމަށެވެ.
"މަސައްކަތް ނިމެން ކައިރިވެފައި އޮއްވާ ރައީސްގެ ދަތުރުފުޅުގައި އެ ތަނުގައި ހުންނަވަން ރައީސް އޮފީހުން ރިކުއެސްޓު ކުރީ. އެންމެ ފުރަތަމަ މެހެމާނަކަށް ރައީސް ވުމަކީ އަޅުގަނޑުމެންނަށް ލިބުނު ވަރަށް ބޮޑު ފަހުރެއް. މުޅި ޓީމަށް ވެސް ލިބުނު ހިތްވަރެއް،" މެންބަރު ރިޔާޒު ވިދާޅުވިއެވެ.
އުފަން ރަށް ތިމަރަފުށީގައި ހުންނަވައި ރިޔާޒު ވިދާޅުވީ އަށެއްކަ މިލިއަން ރުފިޔާ ހޭދަވެފައިވާ 12 ކޮޓަރީގެ އެ ގެސްޓް ހައުސްއަކީ ޒަމާނީ ފެންވަރަށް އަމިއްލަ ގޯތީގައި ތިން ބުރިއަށް ހަދައިފައިވާ ތަނެއް ކަމަށެވެ.
ޥަގު ފައިސާ