ފިރިމީހާ ހައްޔަރު ކުރިފަހުން ޝިލްޕާ އަލަށް ޝޫޓިންއަށް!
ބަރަހަނާ ފިލްމު އުފެއްދިކަމުގެ ތުހުމަތުގައި ހައްޔަރު ކޮށްފައިވާ ވިޔަފާރިވެރިޔާ ރާޖް ކުންދުރާ ހައްޔަރު ކުރުމާ އެކު ހުރިހާ ޕްރޮޖެކްޓްތަކާ ދުރުގައި ގިނަ ދުވަސްތަކެއް ހުރުމަށް ފަހު އޭނާގެ އަނބިމީހާ ޝިލްޕާ ޝޫޓިންތަކަށް ނުކުންނަން ފަށައިފިއެވެ.
ޝިލްޕާ ވަނީ ސުޕަރ ޑާންސާ 4ގެ ޝޫޓިންއާ ގުޅި މަޖާކަމާ އެކު ކުރިއަށް ގެންގޮސްފިއެވެ. ސުޕަ ޑާންސާ 4ގެ އެންމެފަހުގެ ޕްރޮމޯގައި ޝިލްޕާ ފެނިގެން ގޮސްފައިވެއެވެ.
ފިރިމީހާ ރާޖް ކުންދުރާ ހައްޔަރުކުރުމާ އެކު މަސައްކަތްތަކުން ދުރުވެލުމަށް ފަހު ޝިލްޕާ އަނބުރާ މަސައްކަތަށް ނުކުމެފައިވާއިރު ގިނަ ބައެއްގެ ސަމާލުކަން ވަނީ އޭނާއަށް ލިބިފައެވެ. އޭނާ ޝޫޓިންއަށް ދިޔަ މަންޒަރު ޕަޕަރާޒީންގެ ކެމެރާތަކަށް ވަނީ އަރައިފައެވެ.
ބޮލީވުޑްގެ މަޝްހޫރު އެކްޓްރެސް ޝިލްޕާ ޝެޓީގެ ފިރިމީހާ ރާޖްއަކީ އިނގިރޭސިވިލާތުގެ ރަށްވެހިކަން ވެސް އޮންނަ ފަރާތެއް ކަމަށް ރިޕޯޓުތަކުން ބުނެއެވެ.
ބަރަހަނާ ފިލްމުތަކާއި މަންޒަރުތައް އެކުލެވޭ ކޮންޓެންޓް އުފެއްދި ކަމުގެ ތުހުމަތުގައި ރާޖް ކުންދްރާއާއި އޭނާގެ އެސޯސިއޭޓް ރައިޔަން ތޯޕް ހައްޔަރު ކުރީ ޖުލައި މަހުގެ 19ވަނަ ދުވަހުގައެވެ. އަދި އެ ދުވަހަށް ފަހު އެ ދެމީހުން ވެސް ތިބީ ދައުލަތުގެ ބެލުމުގެ ދަށުގައި ހައްޔަރު ކޮށްފައެވެ.
ކަފާލާތުގެ ދަށުން ރާޖް ކުންދްރާ ދޫކޮށްލައިތޯ ދަށު ކޯޓުގައި ވެސް އޭނާގެ ވަކީލުން ވަނީ އެދިފައެވެ. ނަމަވެސް ކޯޓުން އެ އެދުން ބަލައެއް ނުގަތެވެ.
