އައްޑޫގައި ކުރިއަށްދާކަމަށް ބުނާ 60 ޕްރޮޖެކްޓް ހޯދާހޯދާ ނުފެނުނު: ސައީދު
އައްޑޫ ސިޓީގައި ކުރިއަށްދާކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ވިދާޅުވި 60 ޕްރޮޖެކްޓް ކުރިއަށްދަނީ އައްޑޫ ސިޓީގެ ކޮންތާކުކަމެއް ހޯދާ ހޯދާ ނުފެނުނުކަމަށް އިދިކޮޅު ޕްރޮގްރެސިވް ކޯލިޝަންގެ ނާއިބް ރައީސް، މާވަށު ދާއިރާގެ މެމްބަރު މުހައްމަދު ސައީދު ވިދާޅުވެއްޖެއެވެ.
ސައީދު މިފަދައިން ވިދާޅުވީ އައްޑޫ ސިޓީގައި ތަރައްޤީގެ މަޝްރޫއުތައް ބާރަށް ކުރިއަށްދާކަމަށް ރައީސް ޞާލިހު ދައްކަވާފައިވާ ވާހަތަކާ ގުޅިގެންނެވެ. ރައީސް ޞާލިހު ވިދާޅުވީ އައްޑޫސިޓީއަކީ އާބާދީ ބޮޑު ސަރަހައްދަކަށް ވާތީ ސަރުކާރުން އެ ސިޓީއަށް ޚާއްޞަ ސަމާލުކަމެއް ދެއްވައިގެން ތަރައްޤީގެ މަޝްރޫއުތައް ހުއްޓުމެއްނެތި ކުރިޔަށް ގެންދެވޭނެ އިންތިޒާމުތައް ފަހިކޮށްދެއްވާނެ ކަމަށެވެ.
ސައީދު ވިދާޅުވީ ރައީސް ޞާލިހު އައްޑޫ ސިޓީގައި ކުރިއަށް ދާކަމަށް ވިދާޅުވި، 60 ޕްރޮޖެކްޓް ހޯދަން ވަރަށް މަސައްކަތް ކުރައްވައިފިކަމަށެވެ. 40 ބިލިޔަން ބަޖެޓްގައި އައްޑޫއަށް ވަޢުދުވި ކަންކަމާއި، އިންޑިއާއިން ނެގި ލޯނުތަކުން ރައްޔިތުންނަށް ކޮށްދޭން ބުނި އެއްވެސް ކަމެއް ތަންފީޒު ވާ ތަނެއް ނުފެނުނު ކަމަށާއި އަދި ރައްޔިތުންގެ އިތުބާރު މި ސަރުކާރަކަށް މިހާރު ނެތް ކަމަށެވެ.
އައްޑޫ ސިޓީ ކައުންސިލުގެ މެންބަރުންނާ އެކު މިމަހުގެ 8 ވަނަ ދުވަހު ބޭއްވި ބައްދަލުވުމުގައި ރައީސް ވިދާޅުވީ މަގުހެދުމާއި ނަރުދަމާ ނިޒާމާއި އަދި ވިޔަފާރި ބަދަރާއި ޞިއްހީ ދާއިރާއާއި ބޯހިޔާވަހިކަމުގެ ދާއިރާއާއި ތައުލީމީ ދާއިރާއާ އަދި މި ނޫން ވެސް ސިޓީގެ އިޤްތިޞާދީ އިޖްތިމާޢީ ހާލަތު ރަނގަޅުކުރުމުގެ ގޮތުން ސިޓީ ކައުންސިލުން ފާހަގަ ކުރެއްވި ކަންބޮޑުވުންތަކަށް ސަރުކާރުގެ ކަމާ ބެހޭ އިދާރާތައް ގުޅިގެން ޙައްލު ހޯއްދަވައިދެއްވަން މަސައްކަތް ކުރައްވާނެ ކަމަށެވެ.
ާސައީދު ލޯއަނދިރިފެހޭ ހޯދިޔަސް ނިފެނޭހެއްނުނީ