ޕީޕީއެމް ޓީމާ ސަލާމް ކުރުމުން ވަޒީފާއިން ވަކިކޮށްފައިވާ ކަމަށް ބުނެފި
ޕީޕީއެމުން މިހާރު ގދ. އަތޮޅުގެ ރަށްތަކަށް ކުރަމުން ގެންދާ ދަތުރުގައި އެއަތޮޅު ފަރެސްމާތޮޑާއަށް ކުރި ދަތުރުގައި އެޓީމުގެ މެމްބަރުންނާ ސަލާމްކުރުމުން އެރަށު ފެނަކަ އޮފީހުން ގިނައަދަދެއްގެ މުއައްޒަފުން ވަޒީފާއިން ވަކި ކޮށްފައިވާކަމަށް ޕީޕީއެމްގެ ނައިބު ރައީސް އަހުމަދު ޝިޔާމް ވިދާޅުވެއްޖެއެވެ.
މިކަމާ ބެހޭ ގޮތުން ޝިޔާމް ކުރެއްވި ޓްވީޓެއްގައި ވިދާޅުވީ ފަރެސްމާތޮޑާއަށް ޕީޕީއެމްގެ ޓީމުން ކުރެއްވި ދަތުރުގައި ބަނދަރުމަތިން ސަލާމް ކޮށްލުމުގެ ސަބަބުން ފެނަކަ އޮފީހުން ގިނައަދަދެއްގެ މުއައްޒަފުން ވަޒީފާއިން ވަކި ކޮށްފައިވާކަމަށެވެ.
"ގދ. އަށް ކުރަމުންދާ ދަތުރުގައި ފަރެސްމާތޮޑާއަށް ޒިޔާރަތް ކުރި ދުވަހު ބަނދަރުން ސަލާންކޮށްލިކަމަށް ޓަކައި އަޅުގަނޑުގެ އަޚް ނަދީމްއާ އެކު އެތައް ޒުވާނުންނެއް ވަނީ ފެނަކައިގެ ވަޒީފާއިން ވަކިކޮށްފައި" ޝިޔާމްގެ ޓްވީޓްގައި ވިދާޅުވިއެވެ.
މައުލޫމާތު ލިބިފައިވާ ގޮތުގައި ވަކި އެއްޗެއް އަންގަންދެން ގޭގައި މަޑުކުރުމަށްް ފެނަކައިން ވަނީ 10 މުއައްޒަފަކަށް އަންގައިފައެވެ. އެހެން ނަމަވެސް މީގެން ތިން މުވައްްޒަފަކު ވަޒީފާއަށް އަނބުރާ ނެރެފައިވާއިރު ހަތް މުވައްޒަފުން ވަނީ ވަޒީފާއިން ވަކިކޮށްފައެވެ.
ހޮހޮހޯ. ހޮހޮހޯ. ޙަޖަމް ނުކުރެވުނީދޯ.
ހަމ ވަކިކުރަންވީ ޕީޕީއެމ އިންވެސްހެދ އެގޮތަށ.