ފުވައްމުލަކުގައި ވެކްސިން ފުރިހަމަ ކުރާ މީހުންނަށް 1000 ރުފިޔާ ދެނީ!

ފުވައްމުލަކު ސިޓީގައި ވެކްސިން ފުރިހަމަ ކުރާ ފަރާތްތަކުގެ ތެރެއިން ގުރުއަތުން ހޮވޭ ތިން ފަރާތަކަށް ފައިސާގެ އިނާމު ދޭން ނިންމައިއެވެ.

Ads by Sosun Fihaara

ފުވައްމުލަކު ސިޓީ ކައުންސިލުން ވިދާޅުވީ، ގުރުގައި ބައިވެރިވެވޭނީ މިދިޔަ ބުރާސްފަތި ދުވަހުން ފެށިގެން އަންނަ ބުރާސްފަތި ދުވަހާއި ހަމައަށް ވެކްސިން ފުރިހަމަ ކުރާ ފަރާތްތަކަށެވެ. އަަދި ވިދާޅުވީ، ތިން މީހަކަށް 1،000 ރުފިޔާ ދިނުމުގެ އިތުރުން އިތުރު ފަސް މީހަކަށް ރެސްޓޯރެންޓަކުން ހިލޭ ކެއުން ލިބިގެންދާނެ ކަމަށެވެ.

ފުވައްމުލަކުގައި 18 އަހަރުން މަތީގެ ވެކްސިން ފުރިހަމަ ކުރެވޭ، އާބާދީގެ 75 އިންސައްތަ މީހުން ވަނީ ވެކްސިން ޖަހައިފައެވެ.

ފުވައްމުލަކުގައި މިވަގުތު 172 މީހަކު ކޮވިޑް-19 ޖެހިފައިވާއިރު، މިދިޔަ ހަފްތާގެ ތެރޭގައި އެ ރަށް ވަނީ ތިން ވަނަ ފަހަރަށް މޮނިޓަރިންގެ ހާލަތަށް ގެނެސްފައެވެ.