އެސްއެމްއީ ލޯނު ނަގައިފައިވާ ފަރާތްތަކުގެ ޒާތީ މައުލޫމާތު މަޖިލީހާ ހިއްސާއެއް ނުކުރެވޭނެ: ފައްޔާޒު
އެސްއެމްއީ ބޭންކުން ލޯނު ދޫކޮށްފައިވާ މީހުންގެ ތަފްސީލު ހޯދުމަށް މަޖިލީހުން އެދިފައިވީ ނަމަވެސް އެ ލޯނު ދިން މީހުންގެ ޒާތީ މައުލޫމާތު މަޖިލީހާ ހިއްސާ ނުކުރެވޭނެކަމަށް އިކޮނޮމިކް މިނިސްޓަރ ފައްޔާޒު އިސްމާއިލް ވިދާޅުވެއްޖެއެވެ.
އެސްއެމްއީ މެދުވެރިކޮށް ދޫކޮށްފައިވާ ލޯނުތަކުގެ ތަފްސީލާއި ލޯނު ލިބުނު ފަރާތްތަކުގެ މައުލޫމާތު ހިއްސާކުރެއްވުމަށް އެދި މިނިސްޓަރ ފައްޔާޒަށް ހުށައަޅައިފައި ވަނީ މެދުހެންވޭރު ދާއިރާގެ މެމްބަރު އަލީ އާޒިމެވެ.
އެސްއެމްއީ ބޭންކުން ލޯނު ދޫކުރަނީ މައިގަނޑު ފަސް ދާއިރާއަކުންނެވެ. އެއީ ދަނޑުވެރިކަމާއި މަސްވެރިކަން އަދި ރަށު ފަތުރުވެރިކަމާއި އައިސީޓީ އަދި އުފެއްދުންތެރިކަމާ ގުޅުންހުރި ދާއިރާތަކެވެ.
އަލަށް ފަށައިގަންނަ ވިޔަފާރިތަކަށް އެސްޑީއެފްސީ އިން ލޯނުގެ ގޮތުގައި ދެ މިލިއަން ރުފިޔާ ދޫކުރެއެވެ. ލޯނު އަނބުރާ ދެއްކުމަށް 18 މަހުގެ ގްރޭސްޕީރިއަޑަކާއެކު 10 އަހަރު ދެއެވެ.
ކުދި އަދި މެދުފަންތީގެ ވިޔަފާރިތައް އިތުރަށް ތަރައްގީކުރަން ބޭނުންވާ ލޯނު ވެސް އެސްޑީއެފްސީއިން ދޫކުރެއެވެ. މިގޮތުން އެއް އަހަރުގެ ގްރޭސްޕީރިއަޑަކާއެކު 10 އަހަރުން ދައްކާ ގޮތަށް ގިނަވެގެން 500،000 ރުފިޔާގެ ލޯނު މި ކެޓަގަރީގެ ވިޔަފާރިތަކަށް ދޫކުރެ އެވެ.
އެސްޑީއެފްސީ އިން ދެން ލޯނު ދޫކުރަނީ ކުދި އަދި މެދުފަންތީގެ ވިޔަފާރިތަކަށް ބޭނުންވާނެ ހަރު މުދާ ގަތުމަށާއި ދަނޑުވެރިކަމާއި ގުޅުން ހުރި މަސައްކަތްތައް ކުރުމަށް އަދި ކުދި ވިޔަފާރިތަކަށް ކުޑަ މުއްދަތެއްގެ ތެރޭގައި މާލީ އެހީ ލިބޭނެ ގޮތަކަށް އަދި ގެސްޓުހައުސް ވިޔަފާރި ފެށުމަށާއި އެ މަސައްކަތް ކުރި އެރުވުމަށެވެ.
ޤަވާޢިދާޚިލާފައް ދެވިފައި އޮތުމުން ބަލާނުލެވޭނެ
މެދުހެންވޭރު ދާއިރާގެ މެންބަރު އެދުނަސް
އެސްއެމްއީ ޅޯނުދޫކުރެވިފައިވާގޮއް ބަލަން އެބަޖެހޭ
އެފަދުގެ ލޯނުސަރުކާރުން ދިނުމައް ހަމަޖެހިފައިވަނީ
މަސައްކައްކުރާމީހުންގެ ކުރިއެރުމައް. ފައިއާޒު ނުބެލޭނެއޭ ބުނީމާނުބެލޭނެ. ފައިއާޒު ގެނައި ވެރިކަމެއް ވިއްޔާ ރައްޔިތުން ބަލަންބޭނުންވާކަމެއް
ނުބެލޭނެތާ
އެސްއެމްއީ ލޯނު ދެވިފައިވާފަރާތުގެ މައުލޫމާތު މަޖިލީހުން ބޭނުންވީމަ ނުބެލޭނެއޭ ފައްޔާޒައް
ބުނެވްނީ ރައްޔިތުންނައްވުރެން މަތީގައި އުޅޭތީ
ކަމުގައި ދެކެން.