"ސެލޮމަން ބޮއި" ގޭމް އާ ދެކޮޅަށް ސަލްމާން ކޯޓަށް!
އިންޑިޔާގައި "ސެލޮމޮން ބޮއި"ގެ ނަމުގައި ލޯންޗު ކޮށްފައިވާ ހިޓް އެންޑް ރަން ގޭމާ ދެކޮޅަށް ސަލްމާން ހާން ކޯޓަށް މައްސަލަ ހުށައަޅައިފިއެވެ.
ސަލްމާން ހުށައެޅި މައްސަލައަކީ 2002 ވަނަ އަހަރު ސަލްމާން ދުއްވި ކާރަކުން ބަޔަކުގައިގައި ޖެއްސުމަށްފަހު ފިލި މައްސަލަކަމަށް ބުނެ އޭނާގެ މަައްޗައް ތުހުމަތު ކުރި މައްސަލައާ އެއްގޮތަށް ފަރުމާ ކޮށްފައިވާ ގޭމެއްކަމަށް ބުނެ ހުށައެޅި މައްސަލައެކެވެ.
މުމްބާއި ސިވިލް ކޯޓަށް ސަލްމާން ހުށައެޅި މައްސަލައިގައި ވަގުތީ ގޮތުން އެގޭމަށް ނުވަދެވޭ ގޮތަށް ހެދުމަށް ވަނީ އަމުރުކޮށްފައެވެ. ކޯޓުން ވަނީ އެގޭމް އުފެއްދި ކުންފުންޏަށް އަލުން އެގޭމް ރިކްރިއޭޓު ކުރުމަށް ނުވަތަ ސަލްމާންއާ ގުޅޭކަމަށް ތުހުމަތު ކުރެވޭ ބައި ގޭމުން އުނިކުރުމަށް ވަނީ އަންގައިފައެވެ.
ސަލްމާން ބުނެފައިވާ ގޮތުގައި ގޭމްގެ ނަން ވެސް ވަނީ އޭނާއާ ގުޅުވައިފައެވެ. އަދި ގޭމްގެ ކޮންޓެންޓު ވެސް ވަނީ އޭނާއާ ގުޅުވައިފައެވެ.
ގޭމްގެ މައްސަލައިގައި ކޯޓުން ވަނީ ވަގުތުން ވަގުތަށް އެގޭމް ގޫގުލް ޕްލޭ އަދި އެހެނިހެން ޕްލެޓް ފޯމުތަކުން ނެގުމަށް އަމުރުކޮށްފައެވެ.
2002ވަނަ އަހަރު ސަލްމާން ދުއްވި ކާރަކުން ބަޔަކު ގައިގައި ޖެއްސުމަށް ފަހު ފިލިކަމަށް ބުނި މައްސަލަ އޭނާގެ މައްޗަށް ސާބިތުނުވާކަމަށް 2015ވަނަ އަހަރު ކޯޓުން ވަނީ ނިންމައިފައެވެ.
Ads by STO
