ޕީޕީއެމުން ސުޕްރީމް ކޯޓު ކައިރީ މުޒާހަރާކުރަނީ
އިދިކޮޅު ޕީޕީއެމް،ޕީއެންސީ ކޯލިޝަނުން ސްޕްރީމްކޯޓް ސަރަހައްދުގައި މުޒާހަރާކުރަން ފަށައިފިއެވެ.
މި ހަރަކާތް ކުރިއަށްދަނީ ރައީސް ޔާމީންގެ އިސްތިއުނާފީ ޝަރީއަތް ސްޕްރީމް ކޯޓުގައި މިއަދު ކުރިއަށްދާތީއެވެ.
މިއަދު ސްޕްރީމް ކޯޓުގައި ކުރިޔަށް ދިޔަ އަޑުއެހުގައި، ރައީސް ޔާމީންގެ ފަރާތުން، އެމަނިކުފާނުގެ ޤާނޫނީ ޓީމްގެ އިސް ވަކީލު ޑރ.މުޙައްމަދު ޖަމީލް އަޙްމަދު ވިދާޅުވީ، މިއަދު ފެށި އަޑުއެހުމުގެ ލިޔެކިޔުންތައް ދައުލަތުގެ ފަރާތުން ލިބިފައި ވަނީ އިއްޔެ ކަމަށެވެ. އަދި އެ ލިޔެކިޔުންތައް ބަލައި ތައްޔާރުވުމަށް ދެ ދުވަސް ބޭނުންވާ ކަމަށް ވިދާޅުވިއެވެ. ކޯޓުން ވަނީ އެ މުއްދަތު ދޭން ނިންމައިފައެވެ.
ރައީސް ޔާމީންގެ މައްޗަށް އިއްވައިފައިވާ ޖަލު ހުކުމް ތަންފީޒް ކުރުން ފަސްކޮށްދީ، ކަފާލާތުގެ ދަށުން ރައީސް ޔާމީން ދޫކޮށްލަން އެ މަނިކުފާނުގެ ޤާނޫނީ ވަކީލުންގެ ޓީމުގެ ފަރާތުން ވަނީ ހުށަހަޅައިފައެވެ.
ރައީސް ޔާމީން މިވަގުތު ހުންނެވީ ގޭބަންދުގައެވެ. ރައީސް ޔާމީން ގޭބަންދަށް ބަދަލުކޮށްފައި ވަނީ، މާފުށީ ޖަލުގައި ކޮވިޑް-19 ގެ ބަލިމަޑުކަން ފެތުރެމުން ދާތީ ބައްޔަށް ހައި ރިސްކް ބޭފުޅުންނަށް ދިން ލުއިތަކުގެ ތެރެއިންނެވެ.
ކޯޓުކާރިމުޒާހަރާނުކުރެވޭނެ ..އެއީގުރީންޒޯނެށްވީމާ.. ކޮބާއަމަންބަލަހަށްޓާމީހުން ….މީގެކުރީގަވެސްހުށްޓުވަނީހުށްޓުވާާ..