ކަފާލާތުގެ ދަށުން ރައީސް ޔާމީން މިނިވަން ކުރުމަށް ޖާމިނުވާން ތައްޔާރު :އާދަމް ޝަރީފް
ކަފާލާތުގެ ދަށުން ރައީސް ޔާމީން މިނިވަން ކުރުމަށް އިލްތިމާސްކުރާ ކަމަށާއި ކަފާލާތުގެ ދަށުން ރައީސް ޔާމީން ދޫކޮށްލުމަށް ޖާމިނުވާން ތައްޔާރުކަމަށް ޕީއެންސީގެ ނައިބު ރައީސް އަދި ރައްޔިތުންގެ މަޖިލީހުގެ މަޑުއްވަރީ ދާއިރާގެ މެމްބަރު އާދަމް ޝަރީފް އުމަރު ވިދާޅުވެއްޖެއެވެ.
ކަފާލާތުގެ ދަށުން ރައީސް ޔާމީން މިނިވަން ކުރުމަށް އެދުމާ ގުޅިގެން އާދަމް ޝަރީފް ކުރެއްވި ޓްވީޓެއްގައި ވިދާޅުވީ ކަފާލާތުގެ ދަށުން ސިޔާސީ އެހެން ފަރާތްތައް ދޫކޮށްލި ފަދައިން ރައީސް ޔާމީން ދޫކޮށްލުމަށް އިލްތިމާސް ކުރައްވާކަމަށެވެ.
"ކަފާލާތުގެ ދަށުން ރައީސް ޔާމިން ދޫކޮށްލުމަށް ޖާމިނުވާން އަޅުގަނޑު ވެސް ތައްޔާރު. ކަފާލާތުގެ ދަށުން ސިޔާސީ އެހެން ފަރާތްތައް ދޫކޮށްލި ފަދައިން ރައީސް ޔާމީން ދޫކޮށްލުމަށް އިލްތިމާސް ކުރަން. ކުޑަ ކެކުރިއާއި ބޮޑު ކެކުރީގެ ހަމައަކީ ގާނޫނޫ އަސާސީގެ 42 ވަނަ މާއްދާ ދަންނަ ހަމައެއް ނޫން" އާދަމް ޝަރީފްގެ ޓްވީޓްގައި ވިދާޅުވިއެވެ.
މަނީ ލޯންޑަރިންގެ ކުށް ސާބިތުވެ 5 އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވާ ކުރީގެ ރައީސް ޔާމީންގެ ފަރާތުން އެ މައްސަލަ ސްޕްރީމް ކޯޓުގައި އިސްތިއުނާފު ކުރުމުން އިއްޔެ ފެށި ޝަރީއަތުގެ އަޑުއެހުމުގައި ކަފާލާތުގެ ދަށުން ޔާމީން މިނިވަންކޮށް ދިނުމަށް އެދި ހުށަހެޅި ހުށަހެޅުމާއި ހުކުމް ތަންފީޒު ކުރުން ފަސް ކުރުމުގެ އަމުރެއް ނެރެދޭން އެ މަނިކުފާނުގެ ފަރާތުން އެދިފައިވާތީ އެންމެ ފުރަތަމަ އެ ބައި ކުރިއަށް ގެންދަން ފަނޑިޔާރުން ވަނީ ނިންމައިފައެވެ.
ސާބަސް ޢިއްޒަތްތެރި މެންބަރު ތިޔައީ ދިވެހި ދަރިއެއް