އަމީން މިނިވަން ކުރީ ކޯޓުގެ އުސޫލާ ހިލާފަށް:ޕީޖީ ޝަމީމް
އިސްލާމިކް ސްޓޭޓް (އައިއެސް) ޖަމާއަތުގެ ފަރާތުން ރާއްޖޭގައި ހަރަކާތްތެރިވާ އެންމެ އިސް ލީޑަރު ކަމަށް ތުހުމަތުގައި ހައްޔަރުކުރި މުހައްމަދު އަމީން މިނިވަން ކުރަން ނިންމީ ސުޕްރީމް ކޯޓުން ކުރިން ކަނޑައަޅައިފައިވާ އުސޫލަކާ ހިލާފަށް ކަމަށް ޕްރޮސެކިއުޓާ ޖެނެރަލް ހުސައިން ޝަމީމް ވިދާޅުވެއްޖެއެވެ.
ބަންދުގައި ހުންނަތާ ދޮޅު އަހަރު ފަހުން ހައިކޯޓުން މިދިޔަ ބުރާސްފަތި ދުވަހު އަމީން ދޫކޮށްލައިފައި ވަނީ ދައުވާކުރުމުގެ މުއްދަތުގެ ތެރޭގައި ދައުވާކޮށްފައި ނުވާތީ ކަމަށް ބުނެ ދައުލަތުން އޭނާގެ މައްޗަށް އުފުލި ދައުވާތައް ބާތިލް ކުރުމަށްފަހުގައެވެ.
ހައިކޯޓުގެ އެ ހުކުމުގައި ބުނީ އެ މައްސަލައިގައި، ޖިނާއީ އާންމު އިޖުރާއަތުގެ ދަށުން އަމީން ބަންދު ކޮށްފައިވާތީ އޭނާގެ މައްޗަށް ދައުވާ ކުރަން ޖެހޭނީ 30 ދުވަހުގެ ތެރޭގައި ކަމަށެވެ. އޭނާއަށް ދައުވާ ކުރެވޭނެ އެންމެ ފަހުގެ ތާރީހަކީ ނޮވެމްބަރު 24، 2019 ކަމަށްވާއިރު ދައުވާ ކޮށްފައި ވަނީ އެއަހަރުގެ ޑިސެމްބަރުމަހުގެ 5ގައި ކަމަށް ހުކުމުގައިވެއެވެ.
މިކަމާ ގުޅޭގޮތުން ޕީޖީ ޝަމީމް މިއަދު ވިދާޅުވީ، ހާއްސަ ގާނޫނުތަކުގައި ދައުވާ ކުރާނެ ވަކި މުއްދަތުތަކެއް ކަނޑައަޅައިފައި ވަނިކޮށް، ޖިނާއީ އިޖުރާއަތު ގާނޫނުގައި ބުނާ މުއްދަތުތަކަށް އަމަލު ނުކުރެވޭނެ ކަމަށް ސުޕްރީމް ކޯޓުން ނިންމައިފައިވާ ކަމަށެވެ.
ކޮޝާމަޝާފަހުންނަގަނޫނުތަށްއަނެއްކާކޮށަންވީޚާއްސަގާނޫނުކުއްލިގާނޫނު
ޢަމީނުވިނިވަންކުރީ ކޯޓު އުސޫލާޚިލާފަށް ސްޕްިމކޯޓުގެ އަމުރާޚިލާފަށް ޖޭ އެސް ސީގެޤަވާޢިދާޚިލާފަށް އެހެންކަމަށްވާނަމަ އެއްމެފުރަތަމަ އެކަންކުރި ފަނޑިޔާރުންނަށް ފިޔަވަޅުއަޅަންޖެހޭ