އިޓަލީގައި މަރައިލި މަހުމޫދުގެ ހަށިގަނޑު ރާއްޖެ ގެންނަނީ

އިޓަލީގައި ދަންޖައްސައި މަރައިލައިފައި ހުއްޓާ އިއްޔެ ފެނުނު ހދ.ނޮޅިވަރަމްފަރު، އުމުރުން 44 އަހަރުގެ ވައިމަތީގޭ މަހްމޫދު އިމާދުގެ ހަށިގަނޑު ރާއްޖެ ގެނައުމުގެ މަސައްކަތް އޭނާގެ އާއިލާއިން ފަށައިިފިއެވެ.

Ads by STELCO

އިޓަލީ މީހަކާ އިނދެގެން އެގައުމުގެ މިލާނުގައި ދިރިއުޅެމުންދާ މަހްމޫދު މަރައިލައި އަދި ދަންޖައްސައިފައި ހުރީ އޭނާ ދިރިއުޅުނު ގޭގެ ބަގީޗާތެރޭގައި ކަމަށް ވަނީ މައުލޫމާތު ލިބިފައެވެ،

ނޮޅިވަރަމްފަރުން "ދެން"އާ ވާހަކަ ދެއްކި މީހަކު އިމާދުގެ އާއިލާއާ ހަވާލާދީ ބުނެފައި ވަނީ އިމާދު މަރައިލުމަށް ފަހު ދަން ޖައްސައިފައިވާ ކަމަށާއި އަތުގެ އިނގިލިތައް ވެސް ބުރިކޮށްލައިފައިވާ ކަމަށެވެ. ސައިފައި ހުރީ، އޭނާ ދިރިއުޅެމުން ދިޔަ ގޭގައި ކަމަށްވެއެވެ.

އެހެން ނަމަވެސް އޭނާގެ މަރުގެ ހަބަރާއެކު އޭނާ މަރައިލައިފައި ވަނީ އަނިޔާވެރިކޮށް ކަމަށްބުނެ ފެތުރިފައިވާ ޚަބަރުތައް އާއިލާއިން ވަނީ ދޮގުކޮށްފައެެވެ. މަހުމޫދުގެ އާއިލާއިން ބުނެފައިވާ ގޮތުގައި އޭނާގެ ހަށިގަނޑުގެ ބޭރުފުށުން އެއްވެސް އަނިޔާއެއް ފެންނާކަށް ނެތެވެ. އެހެން ނަމަވެސް އޭނާގެ ފޯނު ހަލާކުކޮށްލައިފައި އޮތްކަމަށް އާއިލާއިން ވަނީ ބުނެފައެވެ.

އެރަށުން މައުލޫމާތު ދިން މީހާ ބުނެފައި ވަނީ އިމާދަކީ މީގެ ކުރިން ސަފާރީއެއްގައި މަސައްކަތް ކުރަމުން ދިޔަ މީހެއް ކަމަށެވެ.

އޭނާ މަރުވިއިރު އޭނާގެ އަންހެނުންނާއި ބަފައިބެ ހުރީ ރާއްޖޭގައިކަމަށް ވެސް ވަނީ މައުލޫމާތު ލިބިފައެވެ.