ކުށެއްގެ ތުހުމަތު ކުރެވޭ މީހެއްގެ ވާހަކަ މާބޮޑަށް ގަބޫލު ކުރެވެން ޖެހޭނެ: އަދުރޭ
ރައީސް އަބްދުﷲ ޔާމީންގެ މައްސަލައިގައި ކުރީގެ ނައިބު ރައީސް އަޙްމަދު އަދީބާއި އެމްއެމްޕީއާރްސީގެ ކުރީގެ މެނޭޖިން ޑިރެކްޓަރު އަބްދުﷲ ޒިޔަތުގެ ހެކިބަސް ޤަބޫލު ކުރެވޭ ކަމުގައިވާ ނަމަ ކުރީގެ ޓޫރިޒަމް މިނިސްޓަރ އަލީ ވަހީދުގެ ހެކިބަސް ޤަބޫލު ނުކުރެވޭނެ ހާލަތެއް ނޯންނާނެ ކަމަށް އިދިކޮޅު ކޯލިޝަންގެ ވަގުތީ ލީޑަރު އަބްދުއްރަޙީމް އަބްދުﷲ (އަދުރޭ) ވިދާޅުވެއްޖެއެވެ.
ޖިންސީ ފުރައްސާރައިގެ ތުހުމަތުތަކެއް ކުރެވުމުން ވަޒީރު ކަމުން ވަކި ކުރައްވައިފައިވާ އަލީ ވަހީދު ވަނީ އަހަރަކަށް ފަހު ނޫސްވެރިންނާ ރޭ ބައްދަލު ކުރައްވައި ރައީސް ޔާމީންގެ ޝަރީއަތާ ގުޅޭ ގޮތުން ގިނަ ވާހަކަތަކެއް ދައްކަވަައިފައެވެ. މިގޮތުން އެމްއެމްޕީއާރުސީގެ މައްސަލައިގައި ރައީސް ޔާމީނަށްގެ މައްޗަށް އެއްވެސް ދައުވާއެއް ނުކުރެވޭނެ ކަމަށް ވިދާޅުވަމުން ވިދާޅުވީ، ރައީސް ޔާމީނުގެ އެކައުންޓަށް އެމްއެމްޕީއާރުސީ ފައިސާ ވަތްކަން ދުނިޔޭގެ ބޮޑު ދެ ޤައުމެއްގެ ތަހުގީގީ އިދާރާތަކުން ކުރި މަސައްކަތުން ވެސް ފެންނަން ނެތް ކަމަށެވެ.
މިކަމާ ގުޅިގެން މިއަދު އިދިކޮޅުން ބޭއްވި ނޫސްވެރިންގެ ބައްދަލުވުމެއްގައި ވާހަކަފުޅު ދައްކަވަމުން އަދުރޭ ވިދާޅުވީ، ރައީސް ޔާމީންގެ ޝަރީއަތުގައި އެމްއެންޕީއާރުސީގެ ޚިޔާނާތުގެ މައްސަލައިގައި ހުކުމް އިއްވައިފައި ތިބި ބައެއްގެ ހެކިބަސް ނެގޭ ކަމަށްވާ ނަމަ، ކުށެއްގެ ތުހުމަތު ކުރެވޭ އަލީ ވަހީދުގެ ބަަޔާން ވެސް ނެގެންވާނެ ކަމަށެވެ.
"ރައީސް ޔާމީންގެ ޝަރީއަތުގައި ރައީސް ޔާމީންގެ މައްޗަށް ހެކިބަސް މި ދެއްވަނީ އެމްއެމްޕީއާރުސީގެ ޚިޔާނާތް ސާބިތުވެގެން ޙުކުމް ތަންފީޒް ކުރަމުންދާ ދެ މީހުން. އަދީބާއި ޒިޔަތާ. އެ ހެކިބަސް ޝަރީއަތަށް ސާބިތު ކުރެވޭކަމަށް ވަންޏާ އަދި ކުށެއްގެ ތުހުމަތު ކުރެވޭ މީހެއްގެ ވާހަކަ މާބޮޑަށް ޤަބޫލު ކުރެވޭނެ ނޫންތޯ؟ މީހެއްގެ މައްޗަށް ތުހުމަތު ކުރެވުމަކީ މީހާ އެކުށް ކުރި ކަމަށް އަޅުގަނޑުމެންނަށް ކަނޑައެޅޭނެ ކަމެއް ނޫން." އަދުރޭ ވިދާޅުވިއެވެ.
އަދުރޭ އިތުރަށް ވިދާޅުވީ، އަލީ ވަހީދަކީ ހިނގިކަމެއް ހިނގައި ދިޔައިރު އެމްޑީޕީގެ ޗެއަރޕާސަންގެ މަޤާމު ފުރުއްވަމުން ގެންދެވި ބޭފުޅެއް ކަމަށެވެ. އަދި އޭނާގެ ވާހަކަތަކަށް މިކަމުން ބާރު ލިބޭ ކަމަށް ވިދާޅުވިއެވެ. އަދި ރައީސް ޞާލިޙަށް އިޝާރާތްކޮށް ޚިޔާނާތުގެ 35 މިލިޔަން ރުފިޔާގައި ޖެހުނު ކަމަށް ބުނާ ވާހަކައާ ގުޅުވައިގެން އަދުރޭ ވިދާޅުވީ އަލީ ވަހީދަކީ ރައީސް ޞާލިހާ ވަރަށް ގާތުން ކެބިނެޓްގައި މަސައްކަތް ކުރި ބޭފުޅެއް ކަމަށެވެ.
އަލީ ވަހީދުގެ ވާހަކަތައް ޤަބޫލު ކުރާއިރު، އަލީ ވަހީދުގެ މައްޗަށް ކުރާ ތުހުމަތުތަކާ ގުޅިގެން ދެކެވަޑައިގަންނަވަނީ ކިހިނެތްތޯ ނޫސްވެރިޔަކު ކުރި ސުވާލަކަށް ޖަވާބު ދެއްވަމުން އަދުރޭ ވިދާޅުވީ، "އަޅުގަނޑުމެން މިއުޅެނީ އަލީ ވަޙީދު ސަލާމަތް ކުރާކަށް ނޫން. ނޫނީ އަލީ ވަހީދުކޮށްގެން އުޅޭ ކަމަކާ ބެހޭކަށް ނޫން" ކަމަށެވެ.
އަދުރޭގެ ވާހަކަފުޅުގައި ސްޕްރީމް ކޯޓުގެ ފަނޑިޔާރުން އިންސާފް ޤާއިމްކޮށްދެއްވާނެ ކަމުގެ ޔަޤީނަކަން އޮތް ކަމަށް ވިދާޅުވިއެވެ. އަދި ދަށު ކޯޓުތަކުން ގޯސްކޮށް ހުކުމް ކުރިޔަސް، ސްޕްރީމް ކޯޓުން ކުރާ ހުކުމުން ޝަރުއީ ދާއިރާއަށް ރައްޔިތުން ކުރާ އިތުބާރު ބޮޑު ދެމެހެއްޓުމަށް އަދުރޭ ގޮވައިލެއްވިއެވެ.
"ސްޕްރީމް ކޯޓުގެ ތެރެއަށް ނުފޫޒު ފޯރުވިޔަ ނުދެއްވާށޭ. މިހާރު އަޅުގަނޑުމެންނަށް އެބައެނގޭ ޝަރުއީ ނިޒާމުގެ ތެރެއަށް މި ސަރުކާރުގެ ނުފޫޒު ވަރަށް ބޮޑަށް އެބަ ފޯރާކަން." އަދުރޭ ވިދާޅުވިއެވެ.
ރައީސް ޔާމީންގެ ޝަރީއަތުގައި އެމްއެންޕީއާރުސީގެ ޚިޔާނާތުގެ މައްސަލައިގައި ހުކުމް އިއްވާފައި ތިބި ބައެއްގެ ހެކިބަސް ނެގޭ ކަމަށްވާނަމަ، ކުށެއްގެ ތުހުމަތު ކުރެވޭ އަލީ ވަހީދުގެ ބަަޔާންވެސް ނެގެންވާނެ ކަމަށެވެ.
ޟމިފުރުސަތުގަ އަވަހައް ޔަަމިިންސަލަމައްކުރަންވި