އެމްއާރުއެމްގެ ޒައީމަކަށް މައުމޫން، ރައީސަކަށް ފާރިސް

މޯލްޑިވްސް ރިފޯމް މޫވްމަންޓް ޕާޓީގެ ޒައީމްގެ މަޤާމަށް ރައީސް މައުމޫން އަދި ރައީސްކަމަށް ފާރިސް މައުމޫން ހޮވިވަޑައިގެންފިއެވެ.

Ads by STELCO

މޯލްޑިވްސް ރިފޯމް މޫވްމަންޓް، އެމްއާރުއެމްގެ 16 މަޤާމަކަށް 72 ބޭފުޅަކު ވަނީ ކުރިމަތިލައްވައިފައެވެ. މި މަގާމްތަކުގެ ތެރެއިން އިންތިހާބަކާ ނުލައި ރައީސް މައުމޫން އަދި ފާރިސް މައުމޫން ހޮވިފައިވާއިރު އަންހެން މެމްބަރުންގެ ތެރެއިން އަންހެނުންގެ ޚާއްޞަ ނައިބު ރައީސްކަމަށް ޚާއްސަކުރި މަޤާމަށް ނާދިރާ ވަނީ އިންތިހާބަކާ ނުލައި ހޮވިފައެވެ. އިންތިޚާބު ކުރަންޖެހޭ އަދަދަށް ކުރިމަތިލައިފައިވުމުން 12 މަޤާމަކަށް މެމްބަރުން ވަނީ ވޯޓަކާ ނުލައި ވަނީ ހޮވިފައެވެ.

މި އިންތިޚާބުގައި ވޯޓަކުން ކަނޑައަޅަން ޖެހޭ 4 މަޤާމަކީ ނައިބު ރައީސް ކަމުގެ މަޤާމާއި، އެގްޒެކެޓިވް ކޮމެޓީގެ ފިރިހެން މެމްބަރުންގެ އިތުރުން ޒުވާނުންގެ ކައުންސިލަށް އަންހެނުންގެ ތެރެއިންނާއި، ފިރިހެނުންގެ ތެރެއިން އިންތިޚާބު ކުރަން ޖެހޭ މެމްބަރުން އިންތިޚާބު ކުރުމެވެ.