އެމްޑީޕީގެ އެތެރޭގެ އިންތިޚާބާ ގުޅިގެން 30 ޝަކުވާއެއް ހުށަހަޅައިފި
މި މަހުގެ 25ވީ ހޮނިހިރު ދުވަހު ބޭއްވި އެމްޑީޕީގެ ދާއިރާތަކުގެ އިންތިޚާބާ ގުޅިގެން ޝަކުވާ ހުށައެޅުމަށް ހުޅުވައިލި ފުރުޞަތުގައި 30 ޝަކުވާ މިހައިތަނަށް ހުށަހަޅާފައިވާ ކަމަށް އެ ޕާޓީން ބުނެފިއެވެ.
އެމްޑީޕީން ބުނީ މި އިންތިހާބުގައި 90،000އަށް ވުރެ ގިނަ މީހުންނަށް ވޯޓު ލުމުގެ ޙައްޤު ލިބިފައިވާ ކަމަށެވެ.
ރާއްޖޭގެ ހުރިހާ ރަށެއްގައި އެދުވަހު ވޯޓުލުން ކުރިއަށް ގޮސްފައިވާއިރު، އެ އިންތިޚާބުގައި 284 ވޯޓު ފޮށި ބަހައްޓައި ފައިވެއެވެ.
އިންތިޚާބާ ގުޅިގެން އެއްވެސް ޝަކުވާއެއް އޮތް ނަމަ މިރޭ 8ގެ ކުރިން ޝަކުވާއެއް ހުށަހެޅުމަށް އެމްޑީޕީން ހުޅުވައިލިއެވެ. އިންތިހާބު ބޭއްވި ދުވަހު މާބޮޑު ޝަކުވާއެއް ނެތް ނަމަވެސް، ޝަކުވާ ހުށަހެޅުމަށް ހުޅުވައިލި މި މުއްދަތުގައި މިހާތަނަށް 30 ޝަކުވާ ލިބިފައިވާ ކަމަށް އެ ޕާޓީން ބުނެއެވެ.
އިންތިހާބުގެ ވޯޓް ނެގުމުގެ ކުރީން 165 ކެނޑިޑޭޓަކު ވަނީ ހޮވިފައެވެ. މިބޭފުޅުން ހޮވިފައި ވަނީ ހޮވަން ޖެހޭ އަދަދަށް ވުރެ އިތުރަށް މެމްބަރުން ކުރިމަތި ނުލުމުންނެވެ.
އެމްޑީޕީ ދެ ފެކްޝަނަށް ބެހިފައިވާ މި ދަނޑިވަޅުގައި ބޭއްވި އިންތިހާބުގައި ބޮޑު ކާމިޔާބީއެއް ހޯދައިފައި ވަނީ އެމްޑީޕީގެ އިސް ލީޑަރު، ރައީސް އިބްރާހިމް މުހައްމަދު ޞާލިޙުގެ ފެކްޝަނަށް ތާއީދު ކުރާ މެމްބަރުން ކަމަށް އެ ފެކްޝަނުން ދެކެއެވެ. ނަމަވެސް އެމްޑީޕީގެ ރައީސް މުޙައްމަދު ނަޝީދުގެ ފެކްޝަނުން ދެކޭ ގޮތުގައި ގައުމީ މަޖިލީހަށް ހޮވިޑައިގަތް މެޖޯރިޓީ މެންބަރުންނަކީ ރައީސް ނަޝީދަށް ތާއީދު ކުރައްވާ ، ބަރުލަމާނީ ފިކުރުގެ މެންބަރުންނެވެ.
އިންޑިޔާގައި މުސްލިމުންނަށް ކުރަމުންދާ އަނިޔާއާއި ބޭއިންސާފާއި މެދުގައި މި ދެބޭފުޅުން އެއްޗެއް ނުބުނެ ހަނު ތިބެނީ ކީއްވެތޯ ؟ އެމްޑީޕީ އަކީ އަނިޔާއާއި ދެކޮޅަށް އުފަންވި ޕާޓީއެއްވެސްމެ ! އެމްޑީޕީ މެމްބަރެއް
ރައިސްސޯމިހުކީންވެގެއްތަމިގުމައްގައްދާރުތިއަވަނީ)))))ރައިސްސޯލިހުހަދާންކުރާތިބޭފުޅާ.2018ވެރިކައްހޯދައް)ވެގެއް.ެއިންޑިއާގެބޮޑުވަޒީރުގެރިމޯދީއަތުއް،ފާސާހޯދާގެއްޕޕ