"ދަ ކަޕިލް ޝަރްމާ ޝޯ"އާ ދެކޮޅަށް ކޯޓަށް މައްސަލައެއް ހުށަހަޅައިފި
އާންމުންގެ ބޮޑު މަގުބޫލުކަމެއް ލިބިފައިވާ "ދަ ކަޕިލް ޝަރްމާ ޝޯ"އާ ދެކޮޅަށް ކޯޓަށް މައްސަލައެއް ހުށަހަޅައފިއެވެ.
ކޯޓަށް މައްސަލަ ހުށަހަޅައިފައި ވަނީ އެ ޝޯގެ މަންޒަރެއްގައި ކޯޓް ރޫމްގެ ތެރެއަށް ބަނގުރާ ފުޅިއެއް ހިފައިގެން ވަދެ އެ ބުއިމަށް އެންމެނަށް ދައުވަތުދޭ މަންޒަރު ޝޫޓް ކުރުމާ ގުޅިގެންނެވެ.
ކޯޓް ރޫމް ސީންއެއްގައި ރާ ބޯ މަންޒަރު ދައްކައި ކޯޓުތަކުގެ ޙުރުމަތް ކެނޑިކަމަށް ބުނާ ސީން ޓީވީއިން ދައްކައިފައި ވަނީ މިދިޔަ އޭޕްރީލް 21 ވަނަ ދުވަހުއެވެ.
މި މައްސަލަ ކޯޓަށް ހުށަހެޅި ފަރާތުން ބުނާ ގޮތުގައި މީގެ ކުރިން ވެސް ކަޕިލް ޝޯގައި، އާންމުންނަށް ފެނިގެން ނުވާނެ އެތައް މަންޒަރުތަކެއް ފެނިގެން ދިޔަ ކަމަށެވެ. އަދި އަންހެނުންނަށް ނިސްބަތްކޮށް ވަރަށް ވިޔާނުދާ ވާހަކަތައް ވެސް ދައްކައިފައިވާ ކަމަށް އޭނާ ކޯޓުގައި ބުނެފައިވެއެވެ.
ކަޕިލް ޝަރްމާ ޝޯއަކީ އިންޑިއާގެ އިތުރުން ދުނިޔޭގެ ގިނަ ހިސާބުތަކުގެ މީހުންގެ މަގްބޫލްކަން ލިބިފައިވާ އިންޑިއާގެ ޗެނަލަކުން ގެނެސްދޭ އެންމެ ކާމިޔާބު ޝޯތަކުގެ ތެރެއިން ހިމެނޭ ޝޯއެކެވެ.
Ads by STO
