އިންތިޚާބަކާ ނުލައި އެމްއެންޕީގެ ރައީސަކަށް ނާޒިމް
މޯލްޑިވްސް ނޭޝަނަލް ޕާޓީ، އެމްއެންޕީގެ ރައީސް ކަމަށް ރައްޔިތުންގެ މަޖިލީހުގެ ދަގެނތީ ދާއިރާގެ މެންބަރު އަޙްމަދު ނާޒިމް އިންތިޚާބު ވެއްޖެއެވެ. މި މަޤާމަށް ނާޒިމް ހޮވިފައި ވަނީ އެ މަޤާމަށް އިތުރު އެއްވެސް ފަރާތަކުން ކުރިމަތިލައިފައި ނުވާތީއެވެ.
ނާޒިމްގެ އިތުރުން، އެ ޕާޓީއަށް އިންތިޚާބު ކުރުމަށް ހަމަޖެހިފައިވާ 6 ނައިބު ރައީސުންގެ ތެރެއިން 4 ނައިބުން ވެސް ވަނީ އިންތިޚާބަކާ ނުލައި މަޤާމަށް ހޮވިފައެވެ. އެއީ ސައުތު ރީޖަންއަށް އަޙްމަދު ޝަރީފް، ސައުތު ސެންޓްރަލް ރީޖަންއަށް އަބްދުﷲ ރިޔާޒު، ސެންޓްރަލް ރީޖިއަންއަށް އަޙްމަދު އުޝާމް އަދި ނޯތް ރީޖަންއަށް ހުސެއިން އިސްމާއީލެވެ.
(އެމްއެންޕީ) އުފެއްދުމުގެ ޖަލްސާ އަންނަ ހުކުރުދުވަހު ދުވަހު އޮންނައިރު، އެ ޖަލްސާގައި ޕާޓީގެ އިންޓަރިމް އެގްޒެކެޓިވް ކައުންސިލަށް މެންބަރުން ހޮވާނެއެވެ. އެމްއެންޕީގެ ކައުންސިލަށް 21 މެމްބަރުން ހޮވާއިރު މީގެ ތެރެއިން 7 ގޮނޑިއަކީ އަންހެނުންނަށް ޚާއްސަ ގޮނޑިއެވެ.
އެމްއެންޕީ އުފައްދަން ދިން ތާރީޚުގައި އެޕާޓީން ވަނީ ރިކޯޑް ނަންބަރެއްގެ މެންބަރުންނާ އެކު ޕާޓީ އުފައްދަން އިލެކްޝަނަށް ހުށަހަޅައިފައެވެެ. އެ ޕާޓީން މިހާރު އަމާޒު ހިފައިފައިހުރީ ކައިރި މުސްތަޤްބަލެއްގައި އެޕާޓީއަށް 10،000 މެންބަރުން ހަމަކުރުމެވެ.
