ކުރީ ސަރުކާރުތަކުން އަސާސީ ޚިދުމަތްދިން ނަމަ، މިސަރުކާރުން ކުރަންޖެހޭނީ ތަރައްޤީގެ އެހެން މަސައްކަތްތަކެއް: ނިހާދު
ކުރީ ސަރުކާރުތަކުން އަސާސީ ޚިދުމަތްތައް ފަދަ މަސައްކަތްތައް ކުރި ނަމަ، މިސަރުކާރަށް ޖެހޭނީ މުޅިން ތަފާތު ތަރައްޤީގެ މަސައްކަތްތަކެއް ކުރަންކަމަށް ފޭދޫ ދާއިރާގެ މެންބަރު މުޙައްމަދު ނިހާދު ވިދާޅުވެއްޖެއެވެ.
ނިހާދު މިފަދައިން ވިދާޅުވީ ހއ. އިހަވަންދޫ ބަނދަރު ތަރައްގީ ކުރުމުގެ މަޝްރޫއުގެ 66 ޕަސެންޓް މަސައްކަތް ނިމިފައިވާ ކަމަށް އެ މަސައްކަތް ކުރަމުން އަންނަ ކުންފުނި، އެމްޓީސީސީން ވިދާޅުވުމާ ގުޅިގެންނެވެ.
ނިހާދު ކުރެއްވި ޓްވީޓެއްގައި ވިދާޅުވީ ކުރީ ސަރުކާރުތަކުން އަސާސީ ހިދުމަތްތައް ފަދަ މަސައްކަތްތައް ކޮށްފައި އޮތް ނަމަ މިސަރުކާރުން ކުރަންޖެހޭނީ މުޅިން ތަފާތު އެހެން ތަރައްޤީގެ މަސައްކަތްތަކެއް ކަމަށެވެ. ނަމަވެސް ފަހަތަށް ނުޖެހި ރައީސް ޞާލިޙްގެ ސަރުކާރުން ދަނީ ކުދިބޮޑު ހުރިހާ ރަށެއް ބަދަލު ކުރުމުގެ މަަސައްކަތް ކުރަމުންކަމަށް ވެސް ނިހާދު ވިދާޅުވިއެވެ.
ހއ. އިހަވަންދޫ ބަނދަރު ތަރައްގީ ކުރުމުގެ މަޝްރޫއުގެ ދަށުން، 30,509 ކިއުބިކް މީޓަރުގެ ސަރަހައްދެއްގެ ބަނދަރު ފުންކުރުމާއި 95 މީޓަރުގެ އެއްގަމު ތޮއްޓަކާއި 284 މީޓަރުގެ ބޭރު ތޮއްޓަކާއި 178 މީޓަރުގެ ސަރަހައްދެއްގައި ރިވެޓްމަންޓް ޖެހުން ހިމެނެއެވެ. މި މަޝްރޫއު އެމްޓީސީސީއާ ހަވާލުކުރީ އޮގަސްޓް 2019ގައެވެ.
ލައްކަކަންކަން ކުރީމަތާ ރައީސްޔާމީނު މަތިން ދިވެހި ރައްޔިތުން މިހާވަރަށް މިސްވަނީ ކިތަންމެ ދޮގެއް ހެދިޔަސް ފުރިފަހުރި އެއްޗެއް ގުޑުގުޑެއްނާޅާނެ.