އދ.ގެ އާންމު މަޖިލީހުގެ ރައީސް ރާއްޖެ ވަޑައިގެންފި
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހްގެ ދަޢުވަތަކަށް ކުރައްވާ ދަތުރުފުޅެއްގައި އދ.ގެ ޢާންމު މަޖިލީހުގެ ރައީސް ޢަބްދުﷲ ޝާހިދު ރާއްޖެ ވަޑައިގެންފިއެވެ.
އދ.ގެ ޢާންމު މަޖިލީހުގެ ރައީސްގެ މި ދަތުރުފުޅުގައި ރައީސުލްޖުމްހޫރިއްޔާއާ ބައްދަލުކުރައްވައި ރަސްމީ ވާހަކަފުޅުތައް ބާއްވަވާނެއެވެ.
ރައީސްގެ އިތުރުން ޑިފެންސް މިނިސްޓަރ މާރިޔާ އަހުމަދު ދީދީއާއި، ރައްޔިތުންގެ މަޖިލީހުގެ ނައިބު ރައީސް އީވާ އަބްދުﷲގެ އިތުރުން އުއްތަމަ ފަނޑިޔާރާ ވެސް ބައްދަލުކުރެއްވުމަށް ވަނީ ހަމަޖެހިފައެވެ.
އާއްމު މަޖިލީހުގެ ރިޔާސަތާ އެމަނިކުފާނު ހަވާލުވެވަޑައިގެންނެވީ ސެޕްޓެމްބަރު މަހުގެ 15 ވަނަ ދުވަހުއެވެ. އދ. ގެ އާންމު މަޖިލީހުގެ ރައީސް ކަމުގެ އިންތިޚާބު, މިނިސްޓަރ ޝާހިދު ކާމިޔާބު ކުރައްވައިފައި ވަނީ 143 ވޯޓުންނެވެ.
އދ.ގެ އާންމު މަޖިލީހުގެ ރައީސްގެ މިދަތުރުފުޅުގައި އިސްކަންދަރު ސްކޫލުގެ ދަރިވަރުންނާ މިއަދު ބައްދަލުކުރެއްވުމަށް ވެސް ވަނީ ހަމަޖެހިފައެވެ.
ރޮ. ފޮރިންމިނިސްޓަރގެ މުސާރަ ވެސް ނަންގަވާ އުތަ. އަވަހަށް އިސްތިއުފަ ދެއްވަ، ފޮރިން މިނިސްޓަރ ކަމުން. މިނިސްޓްރީ ހިނަގޭނީ ދާއިމީކޮން މާލޭގަ މުޑުކުރައްވައިގެން.