ހިޔާ ފްލެޓުތަކުގައި އިންތިޒާމުތައް ހަމަނުޖެހި ލަސްވާތީ ކަންބޮޑުވުން އެބައޮތް: ނަޝީދު
ހުޅުމާލޭ ދެވަނަ ފިޔަވަހީގައި ކުރީގެ ރައީސް އަބްދުﷲ ޔާމީންގެ ސަރުކާރުން ތަރައްގީކުރި ހިޔާ ފްލެޓުތަކުގެ ބައެއް އިންތިޒާމުތައް ހަމަނުޖެހި ލަސްވާތީ ރައްޔިތުންގެ ކަންބޮޑުވުން ހުރިކަން ރައްޔިތުންގެ މަޖިލީހުގެ ރައީސް މުހައްމަދު ނަޝީދު ފާހަގަކުރައްވައިފިއެވެ.
މިއަދު އޮތް ރައްޔިތުންގެ މަޖިލީހުގެ ޖަލްސާގެ ރިޔާސަތު ބަލަހައްޓަވަން ރައީސް ނަޝީދު ހަވާލުވެވަޑައިގެންނެވީ ގާތްގަނޑަކަށް ތިން މަހެއްހާ ދުވަސް ފަހުންނެވެ. އެ މަނިކުފާނަށް އަމާޒުކޮށް ދިން ޓެރަރިސްޓު ހަމަލާގައި ލިބިލެއްވި އަނިޔާތަކަށް ފަރުވާ ހޯއްދެވުމަށް ރާއްޖެއިން ބޭރުގައި ހުންނެވުމަށް ފަހު ރާއްޖެ ވަޑައިގެންނެވީ އިއްޔެއެވެ.
ޓެރަރިސްޓު ހަމަލާއަށް ފަހު ރައީސް ނަޝީދު ރިޔާސަތު ބެލެހެއްޓެވި ފުރަތަމަ ޖަލްސާގައި ވާހަކަފުޅު ދައްކަވަމުން މިއަދު ވަނީ މަޖިލީހަށް ހުށަހަޅާފައިވާ ބައެއް މައްސަލަތައް ފާހަގަކުރައްވައި ނުނިމި ހުރި ބައެއް ކަންކަން ވެސް ނިންމަން މަސައްކަތް ފައްޓަވާނެކަމަށް ވިދާޅުވެފައެވެ. އެގޮތުން ހުޅުމާލޭ ދެވަނަ ފިޔަވަހީގައި ހުރި ހިޔާ ފްލެޓުތަކުގައި މިހާރު އެތައް ބަޔަކު ދިރިއުޅެމުން ދާއިރު އެ ރައްޔިތުންނަށް ބޭނުންވާ ބައެއް ހިދުމަތްތައް ފޯރުކޮށް ނުދެވި ލަސްވާ މައްސަލަ ނަޝީދު ވަނީ ފާހަގަ ކުރައްވައިފައެވެ.
"އަޅުގަނޑަށް އަޅައިގެންފައިވާ ކަމެއް. ހިޔާ ފްލެޓުތަކުގެ ބައެއް އިންތިޒާމުތައް ހަމަނުޖެހިވާކަމުން އެކަމުގެ ދަތިތައް ރައްޔިތުންނަށް ފޯރާކަން. އެނގިވަޑައިގަންނަވާނެ ތަހުޒީބު ދުނިޔޭގައި އެހާ މައްޗަށް އިމާރާތް ކޮށްގެން، އެހާ ކުޑަ ތަންކޮޅެއްގައި އެފަދަ ގިނަ މީހުން ދިރިއުޅުން އެއީ ބުއްދިވެރި ކަމެއް ނޫން ގޮތުގައި ނިންމިތާ ދުވަސްތަކެއް ވެއްޖެ. އެހެންނަ މަވެސް އަޅުގަނޑުމެންނަށް ހުރީ މި ތަންތަން އިމާރާތް ކުރެވިފައި." ނަޝީދު ވިދާޅުވިއެވެ.
އެމަނިކުފާނު އިތުރަށް ވިދާޅުވީ ހިޔާ ފްލެޓުތަކުގައި ދިރިއުޅޭ 25،000 ނުވަތަ 30،000 މީހުންނަށް ބޭނުންވާ ކުނީގެ ނިޒާމާއި ލިފްޓުތަކާއި ދަތުރުފަތުރާއި ފެނާއި ކަރަންޓާއި މިހެން ގޮސް މިބާވަތުގެ ހުރިހާ ކަމެއް ހަމަޖެހިގެން ދިޔުމަށް އިންތިޒާމުތަކެއް ބޭނުންވި ނަމަވެސް އެކަން ލަސްވެގެން ދާތީ ރައްޔިތުންގެ ކަންބޮޑުވުން އެބަހުރި ކަމަށެވެ. އަދި ވިދާޅުވީ އެކަންކަން ސަރުކާރުގެ ކަމާބެހޭ ކުންފުނިން ކުރަމުން ދާކަމަށާއި ކުރިއަށް އޮތް ތަނުގައި ވެސް އެކަންކަން ހިނގަމުން ދާނެކަމަށެވެ.
ނަޝީދު ވިދާޅުވީ ހިޔާ ފްލެޓުތައް ފަދަ ހައިރައިޒް ދިރިއުޅުމަކީ ތަނަވަސް ދިރިއުޅުމެއް ނޫންކަމަށާއި އެ ތަންތަނަށް ދިރިއުޅުން ބަދަލުކުރަން ވިސްނުމަކީ ބުއްދިވެރި ގޮތެއް ވެސް ނޫން ކަމަށެވެ.
ހިޔާ ފްލެޓުތަކަކީ އިޖުތިމާއީ ބޯހިޔާވަހިކަން ފޯރުކޮށްދޭން ކުރީގެ ސަރުކާރުން އެޅި ފްލެޓުތަކެކެވެ. އެހެންކަމުން އެ ތަންތަނުން ފްލެޓު ލިބުނު ގިނަ މީހުންނަކީ ނިކަމެތި ރައްޔިތުންނެވެ. މިއާ އެކު ބަހުގެ ހިދުމަތް ފަދަ މުހިންމު ބައެއް ކަންކަން އިންތިޒާމު ނުވެ ހުރުމުން ރައްޔިތުން ކަންބޮޑުވުން ފާޅުކުރިއެވެ. ބަހުގެ ހިދުމަތް ހުޅުމާލެ ދެވަނަ ފިޔަވައްސަށް މިހާރު ފަށައިފައި ވީނަމަވެސް އެހެން ބައެއް ހިދުމަތްތައް އަދިވެސް ފޯރުކޮށް ނުދެވެއެވެ. ހިޔާ ފްލެޓުތަކުގައި މީހުން ދިރިއުޅެން ފެށިއިރު ސަރުކާރުން އެއްވެސް ވަރަކަށް އެކަމަށް ތައްޔާރުވެފައި ނެތްކަން ގިނަ ބަޔަކު ފާހަގަކުރެއެވެ.
ހިޔާ މަޝަރޫއު އޮތީ ކޮންތާކުތޯ؟ އެއީ ކޮތަރުކޮއްޓަކޯލަ! ވިދާޅުވި މަހުކުލި، ކަރަންޓް. ބޯފެނުގެ ބިލް އަންނާނީ 3 މަސް ފަހުންނޭ! އެކަމަކު މިމަހުވެސް ބިލްދައްކަން ޖެހޭ. ރައީސްއަކީ އިތުފުޅު ހެއްދެވުމުން މަތީތަޢުލީމުން ދަސްވެނިވެފައިވާ ބޭފުޅެއް، ނަޝީދަކީ އބޫ ޝައިޠާނު. އިތުރަށް ގުނބޯ ހައްދަން ނޫޅުއްވާ!