މަސްޖިދުލް މުޙައްމަދު ، ރައީސް ހުޅުވައިދެއްވައިފި
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، 'މަސްޖިދުލް މުޙައްމަދު' މިސްކިތް ރަސްމީކޮށް ހުޅުއްވައިދެއްވައިފިއެވެ.
އެމަނިކުފާނު މި މިސްކިތް ހުޅުއްވައިދެއްވައިފައި ވަނީ، މިއަދު ހަވީރު ހުޅުމާލޭގައި މިކަމަށް ޓަކައި ބޭއްވެވި ޚާއްޞަ ރަސްމިއްޔާތެއްގައެވެ.
މިއަދު ރައީސުލްޖުމްހޫރިއްޔާ ހުޅުއްވައިދެއްވި 'މަސްޖިދުލް މުޙައްމަދު' މިސްކިތަކީ، ހެޔޮ އެދޭ ފަރާތެއްގެ ހިލޭ އެހީގައި ޢިމާރާތްކޮށްފައިވާ، 760 މީހުންގެ ޖާގައިގެ މިސްކިތެކެވެ. މި މިސްކިތުގައި އަންހެނުންނަށް ޚާއްޞަކޮށް ނަމާދު ކުރެވޭނެ އިންތިޒާމް ވަނީ ހަމަޖައްސައިފައެވެ.
މި މިސްކިތް އިމާރާތް ކުރަން ފަށައިފައި ވަނީ 18 ޖުލައި 2019 ގައެވެ. އަދި މިއަހަރުގެ 10 އޮކްޓޫބަރު ވީ އާދިއްތަ ދުވަހު މި މިސްކިތުގައި އިތުރަށް ފުރިހަމަކުރަން ހުރި ކަންކަން ވަނީ މުޅިން ފުރިހަމަކޮށް ނިންމައިފައެވެ.
ރައީސުލްޖުމްހޫރިއްޔާ، މިސްކިތް ހުޅުއްވައިދެއްވުމަށް ފަހު، މި މިސްކިތުގައި މިއަދުގެ އަޞުރު ނަމާދު ކުރެއްވެވިއެވެ.
މި ރަސްމިއްޔާތުގައި، ރައީސުލްޖުމްހޫރިއްޔާގެ އަރިހުގައި ރައީސުލްޖުމްހޫރިއްޔާގެ ނައިބު ފައިޞަލް ނަސީމްގެ އިތުރުން މިނިސްޓަރ އޮފް އިސްލާމިކް އެފެއާޒް ޑޮކްޓަރ އަޙްމަދު ޒާހިރު ވެސް ބައިވެރިވެވަޑައިގެންނެވިއެވެ.
“މި މިސްކިތް އިމާރާތް ކުރަން ފަށާފައިވަނީ 18 ޖުލައި 2019 ގައެވެ. އަދި މިއަހަރުގެ 10 އޮކްޓޫބަރު ވީ އާދިއްތަ ދުވަހު މި މިސްކިތުގައި އިތުރަށް ފުރިހަމަކުރަން ހުރިކަންކަން ވަނީ މުޅިން ފުރިހަމަކޮށް ނިންމާފަ”
2 އަހަރާ 2މަސް އަދި 26 ދުވަހުން މިސްކިތެއް އިމާރާތް ކޮށް ހުޅުވުމަކީ ވަރައްވެސް އުފާވިކަމެއް މީގެންދޭހަވަނީ ދިވެހިރާއްޖޭގައި ސަރުކާރުން 5 އަހަރުންވެސް މިސްކިތެއް ނޭޅުމަކީ ބޭނުންނުވެގެން ނުކުރާން.