ޖެން ހޮޓަލުގެ ޚަރަދަކީ، ޤާނޫނާ ޚިލާފް ކޮރަޕްޝަންގެ ޢަމަލެއް: ޑރ. ޖަމީލް
ރައްޔިތުންގެ މަޖިލީހުގެ ރައީސް މުޙައްމަދު ނަޝީދަށް ޓަކައި ސަރުކާރުން ކުރައްވާ ޖެން ހޮޓަލުގެ ޚަރަދަކީ ޤާނޫނާ ޚިލާފް ކޮރަޕްޝަންގެ ޢަމަލެއް ކަމަށް ކުރީގެ ނައިބު ރައީސް ޑރ. މުޙައްމަދު ޖަމީލު އަޙްމަދު ވިދާޅުވެއްޖެއެވެ.
ޑރ. ޖަމީލު މިއަދު ކުރެއްވި ޓްވީޓެއްގައި ވިދާޅުވީ ޖެން ހޮޓަލުގެ ޚަރަދަކީ، ޤާނޫނާ ޚިލާފް ކޮރަޕްޝަންގެ ޢަމަލެއް ކަމަށާއި ރާއްޖޭގައި އެންމެ ފުރަތަމަ އިޞްލާޙުކުރަންވީ ޚަރަދުކުރުމުގެ ނިޒާމް ކަމަށެވެ.
ރައީސް ނަޝީދު އަވަހާރަ ކޮށްލުމަށް ދިން ނިރުބަވެރި ހަމަލާއަށް ފަހު ބޭސްފަރުވާއަށް ޖަރުމަނުގައާއި އިނގިރޭސިވިލާތުގައި ހުންނެވުމަށް ފަހު، އެމަނިކުފާނު އެނބުރި ރާއްޖެ ވަޑައިގެންފައިވަނީ މި މަހުގެ 11 ވަނަ ދުވަހުގައެވެ.
ރައީސް ނަޝީދު ރާއްޖެ ވަޑައިގަތުމާ އެކު، އެމަނިކުފާނުގެ ރައްކާތެރިކަމަށް ޓަކައި ސަރުކާރުން ހަމަޖައްސަވާފައިވާ ގެކޮޅުގެ މަސަައްކަތް ނިމެންދެން އެމަނިކުފާނު މިވަގުތު ބަހައްޓަވައިފައި ހުންނެވީ ހޮޓެލް ޖެންގައެވެ. އެހެންކަމުން މިކަމާ އިދިކޮޅު ފަރާތްތަކުން ވަނީ ވަރަށް ބޮޑަށް ނުރުހުން ފާޅު ކުރައްވައި ފާޑުވިދާޅުވެފައެވެ.
"ލަންޑަނުގައި މަހަކު ލައްކައަކަށް ވުރެ ގިނަ ޕައުންޑް ރައީސް ނަޝީދަށް ހޭދަކުރި. ކުރިން ކަމު ނުދިޔަ މައުމޫނިޒަމްގެ ގަނޑުވަރު، ސެކިއުރިޓި، އިއްޒަތް މިހާރު ބޭނުންވޭ." ރައީސް ނަޝީދަށް ފާޑުވިދާޅުވަމުން ޑރ. ޖަމީލު ވިދާޅުވެފައިވެއެވެ.
ޑރ. ޖަމީލްގެ އިތުރުން އިދިކޮޅުގެ ފަރާތުން ރޭގައި ބޭއްވި ޖަލްސާއެއްގައި ޕީޕީއެމްގެ ނައިބު ރައީސް އަދި މާލެ ސިޓީ ކައުންސިލް ހުޅުމާލެ ދާއިރާ މެމްބަރު އިބްރާހިމް ޝުޖާޢު ވެސް ވިދާޅުވީ ރައީސް ނަޝީދަށް ރައްކާތެރިކަން ކަށަވަރު ކުރުމުގެ ނަމުގައި ރައްޔިތުންގެ ޓެކްސް ފައިސާއިން ހޮޓެލް ޖެންއަށް ދުވާލަކަށް 6000 (ހަހާސް) ޑޮލަރު (-/92،520 ރފ.) ދައްކަވައިގެން ނުހުރެވޭނެ ކަމަށެވެ.
ރައްޔިތުންނަށް ކަމެއްކޮށްދޭްންވެއްޖިއްޔާ ލާރި އެއްނުހުރޭ ރައްޔިތުންނަށްޓަކައި ވެރިކަމަށް އަންނަން ވަކާލާތުކޮށްގނެް ވެރިކަންލިބުނީ ރައްޔިތުންގެ މަތިން ހަދާނެއް ނެތް ރައްޔިތުންގެޓެކްސް ފައިސާ ތިމާމެން ބޭނުންވަ ކަންތައްތައްކުރުމަށް ޚަރަދުކުރަމުން ތިގެންދަނީ ކޮންފަދަ ބޮޑު ބޭކާރު ޚަރަދުތަކެއް އެތައް ރައްޔިތެއްވަންނާނެ ބޯހިޔާވަހިކަމެއްނެތި ލިބޭ ލާރިކޮޅުން ބޮޑު ކުލި ދައްކައިގެން އަގަޔާ އަތާ ދިމާނުވެ ތެޅި ފޮޅޭއިރު ރައްޔިތުންގެ ފައިސާ ތިމާމެން ހިތު ހުރި ގޮތަކަށް ތަޅާބާލަމުންދާ ބަޔަކަށް ކިހިނެއްތޯ 2023 ގަ ބަރުލަމާނީު ހަދައިގެން ރައްޔިތުން ގުބޯ ހައްދާނީ
ލަންޑަނުގައި މަހަކު ލައްކައަކަށް ވުރެ ގިނަ ޕައުންޑް .ހޮޓެލް ޖެންއަށް ދުވާލަކަށް 6000 (ހަހާސް) ޑޮލަރު (-/92،520 ރފ.)ރައީސް ނަޝީދަށް ދައްކަވައިގެން މިކުރަނީ ވައްކަން ނޫނީ ކޮރަޕްސަން ނޫންތޯ. .ކުރިން ކަމު ނުދިޔަ މައުމޫނިޒަމްގެ ގަނޑުވަރު، ސެކިއުރިޓި، އިއްޒަތް މިހާރު ބޭނުންވޭ. ޔާމީނަށް ސިކިއުރިޓީ ދިނީނަ ހަޅޭއްލެވި މީހުންމިއަދުކޮބާ….