ހިޔާ މަޝްރޫޢު ފެއިލްކޮށްލަން ކިތަންމެ މަސައްކަތެއް ކުރިޔަސް އެކަމެއް ނުވާނެ: އަލީ ވަހީދު
ހިޔާ މަޝްރޫޢު ފެއިލްކޮށްލަން ކިތަންމެ މަސައްކަތެއް ކުރިއަސް އެކަމެއް ނުވާނެ ކަމަށް ކުރީގެ ޓޫރިޒަމް މިނިސްޓަރު އަލީ ވަހީދު ވިދާޅުވެއްޖެއެވެ.
މުވައްޒަފުންތަކަކަށް ޖިންސީ ގޯނާ ކުރިކަމަށް ތުހުމަތުކޮށް މިވަގުތު އިނގިރޭސިވިލާތުގައި ހުންނެވި އަލީ ވަހީދު މިއަދު ކުރެއްވި ޓްވީޓެއްގައި ވިދާޅުވީ ހިޔާ މަޝްރޫޢު ފެއިލްކޮށްލަން ކިތަންމެ މަސައްކަތެއް ކުރިއަސް އެކަމެއް ނުވާނެ ކަމަށާއި ދުނިޔޭގެ ހުރިހައި ތަނެއްގައި ވެސް ސޯޝަލް ހައުސިންގަކީ ރައްޔިތުންނަށް ދެވޭ ޚިދުމަތެއް ކަމަށެެވެ.
"އެއީ ދަރަނީގެ ވިޔަފާރިއެއް ނޫން. ތިން އަހަރުވީ އިރު ކުރީ ސަރުކާރޭ ކިޔުން ނޫން ކުރެވުނު ކަމެއް ނެތް! މިސްކިތް، ސްކޫލު ކޮބާ؟" އަލީ ވަހީދު ސުވާލު ކޮށްފައިވެއެވެ.
އަލީ ވަހީދު މިހެން ވިދާޅުވެފައި ވަނީ ހިޔާ ފުލެޓް އެޅުމުގައި މަކަރާއި ހީލަތް ހަދައިފައިވާ ކަމަށާއި އަދި އެކަންކަމުގެ ޖިނާއީ ތަހުގީގެއް ހިންގުމަށް ގޮވައިލައި ރައްޔިތުންގެ މަޖިލީހަށް މައްސަލައެއް ހުށަހެޅުމުންނެވެ.
މި މައްސަލަ މަޖިލީހަށް ހުށަހެޅުއްވީ މާފަންނު ހުޅަނގު ދާއިރާގެ މެމްބަރު މުހައްމަދު ފަލާހެވެ. އަދި މި މައްސަލަ ބަލައިގަތީ މަޖިލީހުގެ 32 މެމްބަރުންގެ އިއްތިފާގުންނެވެ.
ހިޔާ މަޝްރޫޢު ފެއިލްކޮށްލަން ކިތަންމެހާވެސް މަސައްކަތެއް ކުރޭ އެބަ ، އަދި ތިތަން 20 އަހަރުގެ ތެރޭ ހަލާކު ވާވަރު އެޗް ޑީ ސީ އާއި އެތަނަށް ވަންނަމީހުން އެބަކުރޭ ކޮންކުރީޓް ބެރީގެ ދަނގަނޑު ބުރިކޮށް ކޮންކުރީޓް ތަށް ތަޅާ ހަދާހެދުމުން ދަގަނޑަށް ވައިވަދެ ދަބަރުޖަހާ ފަޅަފަޅާއިގެން ދާނެކަން ނޭގޭނީ ކިހާކަމެއްނޭގޭނެބައެއް، ނޫނީ ގަސްދުގައި ހަލާކުކުރުން ނޫންތޯ….
ނޭގިގެންނޫން އެގިތިބެ ގަސްތުގައި ކޮތަރުކޮށި ފެނުމުން ގައިމު ލައްކަ ވަރެއްވޭވިއްޔާ. އެހެންވީމާ ނުފެންނަ ވަރުކުރާނެތާ.