ރިޒޯޓް ތަރައްގީ ކުރަން 18 ރަށެއް ބީލަމަށް!
ރިޒޯޓު ތަރައްގީ ކުރުމަށް 18 ރަށެއް ބީލަމަށް މިއަދު ހުޅުވައިލައިފިއެވެ.
ޓޫރިޒަމް މިނިސްޓްރީން މިއަދު ކުރި އިއުލާނެއްގައި ވިދާޅުވީ މި 18 ރަށުގައި ރިޒޯޓް ތަރައްގީ ކުރުމަށް ބީލަމަށް ހުޅުވައިލުމަށް ނިންމައިފައިވާ ކަމަށާއި މިކަމަށް ޝައުގުވެރިވެލައްވާ ފަރާތްތަކުން 04 ނޮވެމްބަރު 2021 ވާ ބުރާސްފަތި ދުވަހުގެ 10:00 ގައި އަދި 20 ޖަނަވަރީ 2022 ވާ ބުރާސްފަތި ދުވަހުގެ 10:00 ގައި ވަރޗުއަލްކޮށް ބާއްވާ މަޢުލޫމާތު ސާފުކުރުމުގެ ބައްދަލުވުމުގައި ބައިވެރިވުމަށް އެދޭކަމަށެވެ.
އެމިނިސްޓްރީން މިއަދު ބީލަމަށް ހުޅުވައިލާފައިވާ ރަށްތަކަކީ
- ހއ. އަލިދުއްފަރުފިނޮޅު
- ހއ. މެދަފުށި
- ހދ. ކުޑަފަރު ފަސްގަނޑު
- ށ. ކުޑަޅައިމެންދޫ
- ރ. އެއްތިގިލި އަދި ރ. އަލިފުށި ފަޅުން 10 ހެކްޓަރު ހިއްކުން
- މ. ސީދީ ހުރާ ވެލިގަނޑު (ސީދީ ހުރައާއިއެކު)
- މ. މާއުސްފުށި
- ފ. އެނބުލުފުށި
- ފ. ޖިންނަތު ގައު
- ތ. ކާއްޑޫ
- ތ. އޮޅުފުށި (އޮޅުފުށި ފިނޮޅާއިއެކު)
- ތ. އޮޅުފުށި ފިނޮޅު
- ލ. ކަށިދޫ
- ލ. ބޮޑުމުންޏަފުށި
- ލ. ދޮންބެރެހާ - (ހޮޅުރަހާ އާއިއެކު)
- ލ. ހޮޅުރަހާ
- ގއ. މާރެހާ
- ގއ. ފުނަދޫވިލިގިއްލާ
- ގދ. ކަނޑަހަލަގަލާ
- ގދ. ފެރޭތަވިލިގިއްލާ (ކްލަސްޓާއެއްގެ ގޮތުގައި)
- ގދ. ދެކާނބާ (ފެރޭތަވިލިގިއްލާއާއިއެކު)
- ގދ. ކޮޑެރަޓާ - (ފެރޭތަވިލިގިއްލާއާއިއެކު)
- ގދ. (ކޯޑިނޭޓްސްގައި ހިމެނޭ ރަށް ފެރޭތަވިލިގިއްލާއާއިއެކު)
ޓޫރިޒަމް މިނިސްޓްރީގެ އިއުލާނުގައި އިތުރަށް ވިދާޅުވީ މި ރަށްތަކުގައި ފަތުރުވެރިކަން ތަރައްގީ ކުރުމަށް ޝައުގުވެރިވާ ފަރާތްތަކުން މަޢުލޫމާތު ސާފުކުރުމުގެ ބައްދަލުވުމުގައި ބައިވެރިވުމަށް ޓަކައި 03 ނޮވެމްބަރު 2021، އަދި 19 ޖަނަވަރީ 2022ވާ ބުދަދުވަހުގެ 10:00 ގެ ކުރިން އެމިނިސްޓްރީގެ އީމެއިލް [email protected] އަށް މަޢުލޫމާތު ސާފުކުރުމުގެ ބައްދަލުވުމުގައި ބައިވެރިވުމަށް އެދި ނަމާއި، އީމެއިލް އެޑްރެސް، އަދި ފޯން ނަންބަރު އީމެއިލް ކުރެއްވުން އެދޭ ކަމަށެވެ.
މީގެ އިތުރުން މި ރަށްރަށަށް ބީލަން ހުށައެޅުމަށް ބޭނުންވާ ފަރާތްތަކުން އިޢުލާނާ ގުޅޭ ބީލަން ފޮތް ގަތުމަށް ހުށަހަޅަން ޖެހިވަޑައިގަންނަވާ އެޕްލިކޭޝަން ފޯމް ޓޫރިޒަމް މިނިސްޓްރީގެ ވެބްސައިޓް (www.tourism.gov.mv) އިން ލިބެން ހުންނާނެކަމަށް ޓޫރިޒަމް މިނިސްޓްރީގެ އިއުލާނުގައި ވިދާޅުވެފައިވެއެވެ.
