ކޮވިޑް-19 ވެކްސިނުން އަސަރު ނުކުރާ މީހުންނަށް އެންޓި ބޮޑީ ޑްރަގެއް
ރެޖެނެރޮން ފާމަސޫޓިކަލްސް އިންކްއިން އުފައްދައިފައިވާ ކޮވިޑް-19، އެންޓިބޮޑީ ކޮކްޓެއިލްގެ އެއް ޑޯޒުން ބަލި ޖެހުމުގެ ފުރުސަތު 81.6 އިންސައްތަ ކުޑަވާ ކަމަށް ދިރާސާއަކުން ދައްކައިފިއެވެ.
އެމެރިކާގެ ނެޝަނަލް އިންސްޓިޓިއުޓްސް އޮފް ހެލްތު ސްޕޮންސާޑް ކޮވިޑް-19 ޕްރިވެންޝަން ނެޓްވޯކްގައި އިސްކޮށް ހަރަކާތްތެރިވާ މައިރޮން ކޯހެން ވިދާޅުވީ، އެންޓިބޮޑީ ތެރަޕީ، ރެޖެން-ކޯވްއަކީ ކޮވިޑް-19 އިންފެކްޝަނުން ދިގު މުއްދަތަކަށް ރައްކާތެރިކަން ފޯރުކޮށްދިނުމުގެ ގާބިލުކަން ލިބިފައިވާ ތެރަޕީއެއް ކަމަށެވެ. އަދި މިފަދަ އިމިއުނިޓީއަކީ އިމިއުނޯކޮމްޕްރޮމައިޒްޑް މީހުންނަށާއި ވެކްސިންތަކަށް އިޖާބަ ނުދޭ މީހުންނަށް ވަރަށް މުހިންމު އެއްޗެއް ކަމަށް އޭނާ ވިދާޅުވިއެވެ.
8 މަސްދުވަހުގެ އެސެސްމަންޓް ޕީރިއަޑްގައި ރެޖެން-ކޯވް ތެރެޕީ ބޭނުން ކުރި ގްރޫޕްގައި ހިމެނޭ ފަރާތެއް ކޮވިޑް-19އަށް ހޮސްޕިޓަލްގައި އެޑްމިޓްކޮށްގެން ފަރުވާ ދީފައެއް ނުވެއެވެ. ނަމަވެސް ޕްލެސީބޯ (ޑްރަގް ބޭނުން ނުކުރާ ޓެސްޓް ގްރޫޕް) ގްރޫޕް 6 މީހަކަށް ހޮސްޕިޓަލުގައި އެނދުމަތި ކުރެވިގެން ފަރުވާ ދެވިފައިވާ ކަމަށް ރެކޯޑް ކުރެވިފައިވާ ކަމަށް ރެޖެނެރޮން ވިދާޅުވިއެވެ.
އެމެރިކާގެ ހެލްތު ރެގިއުލޭޓަރުން މިދިޔަ ޖުލައި މަހު ވަނީ ބަލި ޖެހިފައިވާ މީހުންނަށް ރައްކާތެރި ފަރުވާއެއްގެ ގޮތުގައި ބޭނުން ކުރުމުގެ ހުއްދަ ރެޖެން-ކޮވްއަށް ދީފައެވެ. އަދި ނާސިން ހޯމް ނުވަތަ ޖަލު ފަދަ ތަންތާނގައި ބަލި ފެތުރޭ ނަމަ ކުއްލި ފަރުވާއެއްގެ ގޮތުން މި ބޭސް ދިނުމުގެ ހުއްދަ ވަނީ ދީފައެވެ.
