ރަންބީރުއާއި އާލިޔާގެ އެންގޭޖްމެންޓް މިމަހު؟
ބޮލީވުޑްގެ މަޝްހޫރު ތަރިން ކަމުގައިވާ ރަންބީރް ކަޕޫރާއި އާލިޔާ ބަޓްގެ ކައިވެނީގެ ވާހަކަތައް ދެކެވޭތާ ދުވަސްތަކެއްވެއްޖެއެވެ. އެހެން ނަމަވެސް ކައިވެނީގެ ސީދާ ތާރީހެއް ނޭނގި ތާރީހަކަށް ފަހު ތާރީހެއް ދެމުން މިހާރު އަނެއްކާ މީޑިއާގެ ފަލަ ސުރުޙީތަކުން މި ވަނީ މިދެތަރިންގެ ކައިވެނީގެ ވާހަކަ ޖާގަ ހޯދައިފައެވެ.
މި ދެ ތަރިންގެ ކައިވެނީގެ ވާހަކަތައް މީޑިޔާތަކުގެ ހިނގާތާ ގާތްގަނޑަކަށް 2 އަހަރުވެފައިވާއިރު އެންމެ ފަހުން ފެތުރު ހަބަރަކީ ދެ ތަރިން ވެސް ކައިވެންޏަށް ތައްޔާރުވުމުގެ ގޮތުން ސޮއިކޮށްފައިވާ ޕްރޮޖެކްޓްތަކުގެ މަސައްކަތް ނިންމާލުމުގައި އަވަދިނެތި އުޅޭކަމުގެ ހަބަރެވެ.
ކައިވެނީގެ ކަންކަމުގެ އެންމެފަހުގެ ހަބަރުތަކަށް ބަލައިލާއިރު ރަންބީރްއާއި އާލިޔާގެ އެންގޭޖްމެންޓް މިމަހުގެ 29 ވަނަ ދުވަހު ރާޖެސްތާނުގެ ރިޒޯޓެއްގައި ބޭއްވުމަށް ހަމަޖެހިފައިވާކަމުގެ އަޑުތަކެއް މިވަނީ ފެތުރިފައެވެ. އެހެން ނަމަވެސް ޕަޕަރާޒީން މިކަމާ ބެހޭ ގޮތުން ރަންބީރްއާއި ސުވާލުކުރުމުން އެ ސުވާލުތަކަށް ޖަވާބު ދިނުމަށް އޭނާ ވަނީ އިންކާރުކޮށްފައެވެ.
ރަންބީރުއާއި އާލިއާގެ އެންގޭޖްވާން ޖައިޕޫރަށް ދިޔަކަމުގެ އަޑުތަކެއް މީގެ އަހަރެއް ހައި ދުވަސް ކުރިން ވެސް ވަނީ ފެތުރިފައެވެެ. އެހެން ނަމަވެސް އެ ފަހަރު އެމީހުން ބުނެފައިވާ ގޮތުގައި އެމީހުން ގޮސްފައި ވަނީ އައު އަހަރު ފާހަގަ ކުރާށެވެ. އެހެންކަމުން މިފަހަރު މިފެތުރު އަޑުތަކުގެ ހަގީގަތަކީ ކޮބައިކަމެއް އަދި މީޑިޔާއަށް ތިލަވެފައި ނުވި ނަމަވެސް މި ދެތަރިންގެ ކައިވެނީގެ ކަންކަން ވަރަށް ބާރަށް ކުރިއަށް ގެންދަމުންދާކަމަށް ވަނީ ރިޕޯޓްކޮށްފައެވެ.
Ads by STO
