އިސްކޮޅާއި އަޑުގެ ސަބަބުން ދުވަހަކު ވެސް "ހިރޯއިން" ކެޓަގަރީއަށް ފިޓް ވެދާނެކަމަކަށް ހީއެއް ނުކުރަން: ރާނީ
ތަފާތު އަޑެއްގެ ވެރި ރާނީ މުކަރުޖީއަކީ ބޮލީވުޑްގެ ކާމިޔާބު ބަތަލާއެކެވެ. އެހެން ނަމަވެސް އޭނާގެ އެ އަޑާއި ކުރު އިސްކޮޅުގެ ސަބަބުން ބޮލީވުޑްގެ ފިލްމްތަކުގެ "ހީރޯއިން" ކެޓަގަރީން ޖާގައެއް ލިބިދާނެކަމަށް އުއްމީދު ވެސް ނުކުރާ ކަމަށް ރާނީ ބުނެފައި ވެއެވެ.
ކުރިއަށް ނެރެން އޮތް ފިލްމް "ބަންޓީ އޯރް ބަބްލީ 2" އާއި ބެހޭގޮތުން މައުލޫމާތު ހިއްސާކުރި އިންޓަވިއުއެއްގައި އޭނާ ބުނިގޮތުގައި އޭނާގެ ކުރު އިސްކޮޅާއި އަޑަކީ ބޮލީވުޑަށް އޭނާއަށް ނުނިކުމެވޭނެކަމަށް ގަބޫލުކުރުވި ސަބަބެއް ނަމަވެސް އެކަންވީ ހަގީގަތަކަށް ނޫން ކަމަށެވެެ.
"އަޖައިބަކީ އަހަރެން ދުވަހަކު ވެސް އެކްޓަރއަކަށް ވާން ބޭނުން ނުވިކަން. އެކަމަކު އަހަރެންގެ މަންމައަށް އަހަރެން ދެކެން ބޭނުންވި ހުވަފެން ފެނިއްޖެ އަހަންނަށް ވުރެ އަވަހަކަށް. އެންމެ ފުރަތަމަ ފިލްމެއް ކުޅެން ބާރުއެޅީ މަންމަ. އެކަމަކު އަހަރެން ހީކުރީ ހީރޯއިން ކެޓަގަރީއަކަށް ފިޓެއް ނުވާނޭ. އަހަރެން މީ އޭގެ އިދިކޮޅޭ. އަހަރެން ބޮޑުވީ ސްރީދޭވީ، ޖޫހީ، މަދޫރީ އަދި ރޭކާގެ ފިލްމްތައް ބަލައިގެން އޭރު އުއްމީދެއް ވެސް ނުކުރަން އެމީހުންނާ އެކު މިހެން އަހަރެން ފެނިދާނެކަމަކަށް ވެސް" އިންޑިއާ ޓްޑޭއަށް ދިން އިންޓަވިއުއެއްގައި ރާނީ ބުންޏެވެ.
ރާނީ ބުނި ގޮތުގައި އޭނާގެ އިސްކޮޅާއި އަޑުގެ ސަބަބުން އޭނާއަށް އިހުސާސްވި "އިންސެކިއުރިޓީ" ފިލުވައިލުމުގައި އެންމެ ބޮޑު އެހީއެއް ދިނީ ކަމާލް ހާސަންއެވެ. މިގޮތުން މީހާގެ އިސްކޮޅަކީ ކާމިިޔާބު ވާނެ މިންބަވަރު ހިސާބު ކުރާނެއް އެއްޗެއް ނޫންކަމަށާއި އެ ބަހަކީ ވަރަށް ބާރު ގަދަވި ބަހެއްކަމަށް ރާނީ ވަނީ ބުނެފައެވެ.
