ހިޔާ ފުލެޓުތަކުގެ އާބާދީ 5000އަށް އަރައިފި!
ހުޅުމާލޭ ދެވަނަ ފިޔަވަހީގައި އިމާރާތްކޮށްފައިވާ ހިޔާ ފުލެޓުތަކުގެ އާބާދީ 5000އަށް އަރައިފައިވާކަމަށް ހައުސިން ޑިވެލޮޕްމަންޓް ކޯޕަރޭޝަނުން ބުނެފިއެވެ.
އެޗްޑީސީން ބުނީ ހިޔާ ފުލެޓުގެ 1000 އެޕާޓްމެންޓްގައި މީހުން މިހާރު ދިރިއުޅެން ފަށައިފައިވާ އިރު ކޮންމެ އާއިލާއެއްގައި އެވްރެޖްކޮށް 5 މީހުން އުޅޭ ކަމަށެވެ.
ހިޔާ މަޝްރޫއު ދަށުން 7000 ފުލެޓް އިމާރާތް ކޮށްފައިވެއެވެ. އެ ފުލެޓްތަކަށް އާއްމުން ވަދެ ފިނިޝިންގެ މަސައްކަތް ނިންމަން އާއްމުންނަށް ވަދެވޭހެން ހުޅުވައިލީ މިދިޔަ އޯގަސްޓު މަހުގެ ތެރޭގައެވެ. އެއާ އެކު ބައެއް އާއިލާތަކުން ވަނީ ހަފްތާއެއް ތެރޭގައި އެ ފުލެޓުތަކަށް ބަދަލުވެފައެވެ.
ހުޅުމާލޭ ދެވަނަ ފިޔަވަހީގައި އިމާރާތްކޮށްފައިވާ މިފުލެޓްތަކަށް މީހުން ވަދެ ނިމޭއިރު 35000 މީހުންގެ އާބާދީއެއް އެތަނުގައި ދިރިއުޅޭނެ ކަމަށް ވަނީ އަންދާޒާކޮށްފައެވެ.
ރައީސް ޔާމީނުގެ ސަރުކާރުން ހިޔާ ފުލެޓުގެ ކުލީގެ ގޮތުގައި 6،600 ރުފިޔާ ނަގަން ނިންމައިފައިވީ ނަމަވެސް މި ސަރުކާރުން ވަނީ އެ އަގަށް ބަދަލު ގެނެސް ހިޔާ ފުލެޓުގެ ކުލީގެ ގޮތުގައި މަހަކު 7500 އަދި މެއިންޓެނެންސް ފީގެ ގޮތުގައި އިތުރު 1000 ރުފިޔާއާ އެކު ޖުމްލަ 8500 ރުފިޔާ ދައްކަން ޖެހޭނެކަމަށް ނިންމައިފައެވެ.
ހިޔާ ފުލެޓުތަކުގެ ވެރިންނާއި އިދިކޮޅުން ބުނަމުންދާ ގޮތުގައި މި އަދަދަކީ އެ ފުލެޓްތަކާ އަޅައިބަލާއިރު ބޮޑު އަދަދެއް ކަމަށާއި ކުލީގެ އަގު ކުޑަ ކުރުމަކީ ކޮންމެހެން މުހިންމުކަމެއް ކަމަށެވެ.
ިހ ތިކަމުން ވެސް ދޭހަވަނީ މިހާރު މިގައުމުގާ އޮތް ސަރުކާރަކީ ނާގާބިލު ސަރުކާރެއް ކަން، އެހެންނޫން ނަމައީ ތި ހުރިހާ ފުލެޓެއްގާ މިހާރު މީހުން ދިރިއުޅުނީސް.