ރިތިކް ރޯޝަން ރާއްޖޭގައި
ދިވެހި ޒުވާން ގިނަ އަންހެން ކުދިންގެ ހިތްތަކުގައި ރަސްކަން ކުރަމުންދާ ބޮލީވުޑް ތަރި، ރިތިކް ރޯޝަން ޗުއްޓީ ހޭދަކޮށްލުމަށް ރާއްޖެއަށް އައިސްފިއެވެ.
ރިތިކްއާ އެކު އޭނާގެ މަންމަ ޕިންކޯ ރޯޝަންއާއި ފިރިހެން ދަރިފުޅު ހެރެހާންއާއި ހިރިދާން ވެސް ވަނީ ރާއްޖެ އައިސްފައެވެ. އައި އާއިލީ މެމްބަރުންކަމަށްވާ ސުރަނިކާ، ޕަޝްމީނާ އަދި އީޝާން ވެސް ރިތިކްއާ ދަނީ ޗުއްޓީ ހޭދަކުރަމުންނެވެ.
މިދިޔަ ބުރާސްފަތި ދުވަހު ޕިންކީ ރޯޝަން ވަނީ ރާއްޖޭގެ ބައެއް ފޮޓޯތައް އާންމުންނާ ހިއްސާކޮށްފައެވެ. އެ ފޮޓޯތަކުގައި ރިތިކް އޭނާގެ ދަރިފުޅު ހެރެހާން، ޕަޝްމީނާ، ސުރަނިކާ އަދި އީޝާން ރޯޝަންއާ އެކު ވަރަށް މަޖާކޮށް އުޅޭ ތަން ފެނެއެވެ.
ސުރަނިކާގެ އިންސްޓަގްރާމް ޕްރޮފައިލްގައި ރޯޝަންގެ ގިނަ ފޮޓޯތައް ވަނީ ހިއްސާކޮށްފައެވެ. އޭނާ ވަނީ ރާއްޖޭގެ ރީތިކަމަށް ވަރަށް ބޮޑަށް ތައުރީފުކޮށްފައެވެ.
ރިތިކް ރޯޝަންގެ ފިލްމުތަކަށް ބަލާއިރު އާންމުންގެ މެދުގައި ބޮޑު މަގުބޫލުކަމެއް ހޯދި ކްރިޝް، ދޫމް 2، ޖޯދާ އަކްބަރު، ޒިންދަގީ ނާ މިލޭގީ ދޯބާރާ، ގުޒާރިޝް، އަގްނީޕަތު، ކާބިލް، ބޭންގް ބޭންގް، ކައިޓްސް އަދި ސުޕަ 30 ފަދަ އެތައް ހިޓް ފިލްމުތައް ހިމެނެއެވެ. އޭނާ އެންމެ ފަހުން ފެނިގެން ގޮސްފައި ވަނީ ޓައިގަރ ޝްރޮފްއާއި ވާނީ ކަޕޫރު އެކުގައި ކުޅުނު ބްލޮކްބަސްޓާ ހިޓް ވޯއިންނެވެ.
