މުލިއާގެ ސަރަހައްދުން ބޮމެއް އޮތް ކަމަށް ޝައްކުކުރެވިގެން ބެލިއިރު ފެނުނީ ކުނި އަޅައިފައި ހުރި ފޮއްޓެއް

ރައީސްގެ ގެކޮޅު ހުންނަ ސަރަހައްދުގައި މިއަދު ގޮތް ނޭނގޭ އެއްޗެއް ހުރުމުން ސިފައިންގެ ބޮން ސްކައުޑްއިން ހަރަކާތްތެރިވެއްޖެއެވެ.

Ads by MWSC

މިއަދު އެމްއެންޑީއެފްއިން ވިދާޅުވީ، މުލިއާގެ ހުޅަނގު ދެކުނު ކަންމަތީ ޕޭވްމެންޓްމަތީގައި ގޮތް ނޭނގޭ ފޮއްޓެއް ބަހައްޓައިފައި ހުރުމުން އެމްއެންޑީއެފްގެ ބޮން ސްކޮޑުން އެ ބެލިއިރު، އެއީ ކުނި އަޅައިފައި ހުރި ފޮއްޓެއްކަން އެނގުނު ކަމަށެވެ.

އެމްއެންޑީއެފްއިން އެ ސަރަހައްދުގައި އިރުއޮއްސި 18:06އިން ފެށިގެން ހަރަކާތްތެރިވާން ފެށިއިރު، ސަރަހައްދު ކުލިއަރކޮށްފައި ވަނީ 19:26އިރު ކަމަށް އެ ފަރާތުން މައުލޫމާތުދެއެވެ.