ސްޓެލްކޯގެ ޗެއަރމަން ރަޝީދު އަވަހާރަވެއްޖެ

ސްޓެލްކޯގެ ބޯޑުގެ ޗެއަރމަން މުޙައްމަދު ރަޝީދު އަވަހާރަވެއްޖެއެވެ.

Ads by STELCO

ރަޝީދު ސްޓެލްކޯގެ ޗެއަރމަން ކަމަށް އައްޔަން ކުރެއްވީ 12 ފެބްރުއަރީ 2019ގައެވެ. ސްޓެލްކޯގެ ޚިދުމަތާ ރަޝީދު ފުރަތަމަ ގުޅިވަޑައިގަތީ އެޕްރެންޓިސްޝިޕަކަށެވެ. އެއީ 1971ވަނަ އަހަރުއެވެ. އޭގެ ފަހުން 50 އަހަރު އެ ކުންފުންޏަށް ޚިދުމަތް ކުރައްވާފައިވެއެވެ.

50 އަހަރުގެ ޚިދުމަތުގައި އޭނާ ވަނީ އެ ކުންފުނީގައި ގިނަ މަޤާމުތަކެއް ފުުރުއްވައިފައެވެ. އޭގެ ތެރޭގައި، ކުންފުނީގެ ސީއީއޯކަމުގެ މަޤާމާއި ޑެޕިއުޓީ މެނޭޖިން ޑިރެކްޓަރުގެ މަގާމު ހިމެނެއެވެ.

މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވަވައި ފާފަ ފުއްސަވައި ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މިހިތްދަތި ވަގުތުގައި ޢާއިލާއަށް ކެތްތެރިކަން ދެއްވާށިއެވެ. އާމީން!

إِنَّا لِلّهِ وَإِنَّـا إِلَيْهِ رَاجِعُون