އާމިރްއާއި ސަންޖީދާ ވަރިވެއްޖެކަން އާންމުކުރީ 9 މަސް ފަހުން
އިންޑިއާގެ ޓީވީ އެކްޓަރުންގެ ތެރެއިން ގިނަ ބައެއްގެ މަގުބޫލުކަން ހޯދި ޖޯޑެއް ކަމަަށްވާ ސަންޖީދާ ޝެއިޚްއާއި އާމިރް އަލީ ވަރިވެއްޖެކަން އާންމުކޮށްފިއެވެ.
"ނަޗް ބަލިޔޭ"ގެ އެންމެ ފުރަތަމަ ސީޒަން ކާމިޔާބު ކުރުމަށް ފަހު، އެތައް ބައެއްގެ ސަމާލުކަމާއި ތަރުހީބު ލިބުނު އާމިރްއާއި ސަންޖީދާ 10 އަހަރަށް ވުރެ ގިނަ ދުވަހު އެކުގައި އުޅުނު ކަމަށް ރިޕޯޓުތަކުން ބުނެއެވެ. އެ ދެ މީހުން ކައިވެނި ކުރީ 2012 ވަނަ އަހަރުގައެވެ.
ނަމަވެސް އެ ދެމީހުންގެ ދޭތެރޭ ބޮޑެތި މައްސަލަތަކެއް ޖެހުމަށް ފަހު، ދެ މީހުން ވަކިން ދިރިއުޅޭތާ ވެސް ދެ އަހަރަށް ވުރެ ގިނަ ދުވަސް ވެއްޖެއެވެ. އެ ދެމީހުން ވަރިވެއްޖެކަން އިއްޔެ އާންމުންކޮށްފައިވީ ނަމަވެސް، ދެމީހުން ވެސް ބުނެފައިވާ ގޮތުގައި އެ ދެމީހުންގެ ވަރިއަށް މިހާރު ނުވަ މަސް ދުވަސް ވެއްޖެއެވެ.
އާމިރްއާއި ސަންޖީދާ ވަރިވި އިރު އެ ދެމީހުންގެ އަންހެން ދަރިއަކު ހުރެއެވެ. އެކުއްޖާގެ އުމުރުން މިހާރު ދޮޅު އަހަރު ވެފައިވާ އިރު، އެއީ ސަރޮގެސީ މެދުވެރިކޮށް އެމީހުން ހޯދި ދަރިއެއް ކަމަށް ވެސް ރިޕޯޓުތަކުން ބުނެއެވެ.
