އައިޖީއެމްއެޗްގެ ލެބޯރެޓަރީގެ ޚިދުމަތް ދޭ ވަގުތު 4 ގަޑިއިރަށް ކުރުކޮށްފި

އައިޖީއެމްއެޗްގެ ލެބޯރެޓަރީގެ ޚިދުމަތް ދޭ ވަގުތު 4 ގަޑިއިރަށް ކުރުކޮށްފިއެވެ.

Ads by Sosun Fihaara

އެ ހޮސްޕިޓަލުން ބުނީ ރާއްޖޭގައި މިވަގުތު ހަލުވިކަމާ އެކު ފެތުރެމުންދާ ކޮވިޑް-19ގެ ބަލިމަޑުކަމާ ގުޅިގެން ލެބޯރެޓަރީ ޚިދުމަތް ދޭ ވަގުތު ކުރުކުރަން ނިންމައިފައިވާ ކަމަށެވެ.އެގޮތުން 30 ޖެނުއަރީ 2022އިން ފެށިގެން 5 ފެބުރުއަރީ 2022ގެ ނިޔަލަށް އައިޖީއެމްއެޗްގެ ލެބޯޓްރީން ލޭނެގުމުގެ ޚިދުމަތް ދެމުންގެންދާނީ ބަންދުނޫން ކޮންމެ ދުވަހެއްގެ ހެނދުނު 08:00އިން މެނދުރު 12:00އާ ހަމައަށް ކަމަށް އެ ހޮސްޕިޓަލުން ބުނެއެވެ.

މީގެ އިތުރުން ލެބޯޓްރީގެ ނަންބަރު ދޫކުރުމަށް ހަމަޖެހިފައި ވަނީ ދުވާލަކު 200 ނަންބަރު ކަމަށާއި އެއީ އޮންލައިންކޮށް 100 ނަންބަރު އަދި ހޮސްޕިޓަލަށް ގޮސްގެން 100 ނަންބަރު ކަމަށް އެހޮސްޕިޓަލުން ހާމަކުރެއެވެ.