އަދުރޭގެ ހިސާބުތަކުން ބޮޑު ތަފާތަކުން ފަތުޙީ އިންތިޚާބު ކާމިޔާބުކުރޭ: ޝިޔާމް
އަންނަ ހޮނިހިރު ދުވަހު ބާއްވާ ކޮމަންޑޫ ދާއިރާގެ ބައި-އިލެކްޝަންގައި ޕީޕީއެމްގެ ކެނޑިޑޭޓް މޫސާ ފަތުޙީ ބޮޑު ތަފާތަކުން ކާމިޔާބު ކުރާކަމަށް ޕީއެންސީގެ ރައީސް އަބްދުއްރަހީމްގެ ހިސާބުތަކުން ދައްކާ ކަމަށް ޕީޕީއެމްގެ ނައިބް ރައީސް އަހުމަދު ޝިޔާމް ވިދާޅުވެއްޖެއެވެ.
އިންތިޚާބުގެ ވޯޓުލުމަށް 3 ދުވަހަށް ކައިރިވެފައި ވަނިކޮށް ޝިޔާމް ވިދާޅުވީ ޕީއެންސީގެ ރައީސް އަބްދުއްރަހީމްގެ ހިސާބުތަކުން ބޮޑު ތަނުން މި އިންތިޚާބު ކާމިޔާބު ކުރައްވަނީ ފަތުޙީއެވެ.
ކޮމަންޑޫ ދާއިރާގެ ގޮނޑި ހުސްވެ، ބައި އިލެކްޝަނެއް ބާއްވަނީ އެ ދާއިރާ ތަމްސީލުކުރެއްވި އެމްޑީޕީގެ މެމްބަރު ޙުސެއިން ވަހީދު އަވަހާރަވުމުންނެވެ. މި އިންތިޚާބުގައި އެމްޑީޕީގެ ފަރާތުން ވާދަކުރައްވަނީ މުޙައްމަދު ރާޝިދެވެ. އެމްއެންޕީގެ ފަރާތުން ވާދަކުރައްވަނީ އަބްދުލް ހަންނާން އިދުރީހެވެ.
ކޮމަންޑޫ ދާއިރާގެ ގޮނޑީގެ ވާދަވެރިކަން ބޮޑުވެފައިވާ އިރު ފެބްރުއަރީ މަހުގެ 5ވަނަ ދުވަހު އޮންނަ ބައި އިލެކްޝަންގައި 6 ވޯޓް ފޮއްޓެއް ބެހެއްޓުމަށް އިލެކްޝަންސް ކޮމިޝަނުން ވަނީ ނިންމައިފައެވެ.
ކޮމަންޑުއާއި ފޯކައިދޫ އަދި މަރޮށި ހިމެނޭ މި ދާއިރާގައި 3،309 މީހުންނަށް ވޯޓުލުމުގެ ހައްޤު ލިބިގެންވެއެވެ.
ތިކަންތިނިމުނީ ވަރިހަމަވޯޓްފޮށިގުނަންއިންޑިއާއައްގެންދިޔަސް
ސުއްބޫހުން، މެތްސް ޓީޗާރ އެންމެފަހުން ހެދި ހިސާބުވެސް ވަރަށް ވައިރަލްވި. 4×50=200000
ސިޔާމޫ، ކިހާބޮޑު ..އެއް މިޔޯ.