އަންނަ މެއި މަހު ޓީޗަރުންގެ މުސާރަ ބޮޑު ކުރަނީ
ތައުލީމީ ދާއިރާގެ ހުރިހާ މުވައްޒިފުންގެ މުސާރަ ބޮޑުކުރަން ނިންމަވައި ރައީސުލްޖުމްހޫރިއްޔާ އެކަން އިއުލާނު ކުރައްވައިފިއެވެ.
މަޖިލީސް އައު ދައުރަށް ހުޅުވުމަށް މިއަދު ބޭއްވި ޖަލްސާގައި އިއްވެވި ރިޔާސީ ބަޔާނުގައި ރައީސް ޞާލިޙް ބިދާޅުވީ ގުރެޖުއޭޓް ލެވެލްގެ ސެކަންޑަރީ ޓީޗަރެއްގެ މުސާރަ އިތުރުގަޑި ނުލާ 12،628 ރުފިޔާއިން 19،740 ރުފިޔާއަށް ބޮޑުވެގެންދާނެ ކަމަށެވެ.
އަދި ގައުމު ބިނާކުރުމުގެ އެންމެ ބުރަ މަސްއޫލިއްޔަތު އަދާކުރަނީ ދަރިން ބިނާކުރާ އެދުރުން ކަމަށާއި އެމީހުންނަށް އެކަށީގެންވާ އުޖޫރައެއް ލިބިދިނުމަކީ ވައުދެއް ކަމަށް ވެސް ރައީސް ޞާލިޙް ވިދާޅުވިއެވެ.
“ގައުމު ބިނާކުރުމުގެ އެންމެ ބުރަ މަސްއޫލިއްޔަތު އަދާކުރަނީ ދަރިން ބިނާކުރާ އެދުރުން. އެމީހުންނަށް އެކަށީގެންވާ އުޖޫރައެއް ލިބިދިނުމަކީ އަޅުގަނޑުމެންގެ ވައުދެއް. މިބަދަލާ އެކު، ގުރެޖުއޭޓް ލެވެލްގެ ސެކަންޑަރީ ޓީޗަރެއްގެ މުސާރަ، އިތުރުގަޑި ނުލާ 12،628ރ.އިން 19،740ރ.އަށް ބޮޑުވެގެންދާނެ“
ރައީސް ޞާލިޙް ވިދާޅުވީ މިއީ 56 ޕަސެންޓުގެ ކުރިއެރުމެއް ކަމަށާއި 2021ވަނަ އަހަރު ތަޢުލީމީ ދާއިރާގެ ގިނަ މަސައްކަތްތައް ކުރެވިފައިވާ ކަމަށެވެ. އޭގެ ތެރޭގައި 4،082 ޓީޗަރަކަށް ބޭނުންވާ ތަފާތު ހުނަރާއި ތަމްރީނު ދީފައިވާ ކަމަށާއި މުޅިން އަލަށް 23 ސްކޫލެއް އެއް ދަންފަޅިއަށް ބަދަލުކޮށްފައިވާ ކަމަށެވެ.
މީގެ އިތުރުން މިދިޔަ އަހަރު 22 ސްކޫލެއްގައި 117 ކްލާސް ރޫމާ 6 މަލްޓިޕާޕަސް ހޯލް އިމާރާތްކޮށް ނިންމައި، އިތުރު 55 ސްކޫލެއްގައި 473 ކްލާސްރޫމާ 27 މަލްޓިޕާޕަސް ހޯލްގެ މަސައްކަތް މިހާރު ކުރިއަށްދާ ކަމަށް ރައީސް ވިދާޅުވިއެވެ.
ސެކެންޑަރީގައި ތިބެނީ އިންޑިއާ ޓީޗަރުން އެކަނި.އެހެންވީމަ އިންޑިއާޓީޗަރުންނަށް އެކަނިތޯ ބޮޑުމުސާރަ ހައްޤުވަނީ. ކޮބައިތޯ ޕްރައިމަރީ ޓީޗަރުން؟؟
ޕްރައިމެރީ ޓީޗާސް އަށް މުސާރަ ބޮޑު ނުކުރަނީ ކީއްވެ؟ ހަމަ ހަމަ ގުރެޖުވޭޝަން ލެވެލް އަށް ކިޔަވައިގެން އެބަ އުޅޭ ޕްރައިމެރީ ޓީޗާސް