ކޮމަންޑޫ ބައި-އިލެކްޝަން: 12 ޖެހުމާ ހަމައަށް 45އިންސައްތަ މީހުން ވޯޓްލައިފި

މިހާރު ހިނގަމުންދާ ކޮމަންޑޫ ދާއިރާގެ ބައި-އިލެކްޝަންގައި ގިނަ ބަޔަކު ވޯޓް ލައިފިއެވެ.

Ads by MWSC

މި އިންތިޚާބުގައި ވޯޓު ދިނުމުގެ ހައްގު ލިބިގެންވާ 3،309 މީހުން ތިބިއިރު، މިއަދު މެންދުރު 12 ޖެހުމާ ހަމައަށް 1،472 މީހަކު ވަނީ ވޯޓް ލައިފައެވެ. އިލެކްޝަން ކޮމިޝަންގެ ތަފާސް ހިސާބުތަކުން ދައްކާ ގޮތުގައި 45 އިންސައްތަ މީހުން ވަނީ ވޯޓް ލައިފައެވެ. އެއީ 741 ފިރިހެނުންނާއި، 731 އަންހެނުންނެވެ.

އިންތިޚާބުގައި ކޮމަންޑޫ ދާއިރާގެ ތިން ރަށުގެ އިތުރުން، މާލޭގައި ވެސް ވަނީ ވޯޓް ފޮށި ބަހައްޓައިފައެވެ. މި އިންތިޚާބުގައި ކޮމަންޑޫގެ 1،405 މީހުންނާއި، ފޯކައިދޫގެ 1،201 މީހުންނާއި، މަރޮށީގެން 703 މީހުންނެވެ.

އިންތިޚާބުގައި، އެމްޑީޕީ، ޕީޕީއެމް އަދި އެމްއެންޕީން ވާދަ ކުރާއިރު، މިދިޔަ ދޮޅު މަހެއްހައި ދުވަހުގެ ތެރޭގައި އެ ތިން ރަށުގައި ވަނީ ފޯރިގަދަ ކެންޕެއިނެއް ކޮށްފައެވެ.