ސަރުކާރު ސްލޯކަމަށް ބުނަނީ ޖޯކަކަށް ނޫން: ޝިޔާމް
ރައީސް އިބްރާހީމް މުހައްމަދު ޞާލިހުގެ ސަރުކާރަށް ނިސްބަތްކޮށް "ސްލޯ"ކަމަށް އިދިކޮޅު ފަރާތްތަކުން ބުނަނީ ޖޯކަކަށް ނޫން ކަމަށް ރައްޔިތުންގެ މަޖިލީހުގެ ނައިފަރު ދާއިރާގެ މެމްބަރު އަހްމަދު ޝިޔާމް ވިދާޅުވެއްޖެއެވެ.
ޝިޔާމް މިހެން ވިދާޅުވެފައި ވަނީ ބައެއް ދާއިރާތަކުގެ ތަރައްގީގެ މަޝްރޫއުތައް ކުރިއަށްދަނީ ފިނިހަކަ ދުވެލީގައިކަމަށް މަކުނުދޫ ދާއިރާގެ މެމްބަރު މުހައްމަދު ރާއީ ވިދާޅުވުމާ ގުޅިގެންނެވެ.
ރާއީ ކުރެއްވި ޓްވީޓެއްގައި ވިދާޅުވެފައި ވަނީ ކޮންޓްރެކްޓަރާ ހަވާލު ކުރެވުނު މުއްދަތު ފަހަނައަޅައި ދާއިރު ވެސް، ގިނަ މަސައްކަތްތައް ވަނީ ހުއްޓިފައި، ނުވަތަ ވާނުވާގައި ކަމަށެވެ.
"މަންމަނަކަށްވެ ތާއަބަދަށް ނުހުރެވޭނެ." ރާއީ ވިދާޅުވިއެވެ.
ރާއީގެ ޓްވީޓު ރީޓްވީޓް ކުރައްވައި ޝިޔާމް ވިދާޅުވީ ސަރުކާރުގެ ކުންފުނިތައް ބަނގުރޫޓުވެގެން ދިޔައިރު، އެތަންތަނުގެ ވެރިންނަށް ތިބި މީހުންގެ މޫނު ނިކަން "އުޖާލާ" ކަމަށެވެ.
ކުންފުނިތަކުގެ މެނޭޖިން ޑިރެކްޓަރުން އުޅުއްވަނީ ރައީސް އިބްރާހީމް މުހައްމަދު ޞާލިޙަށް ތިއްތި ދެއްކެން ކަމަށާއި، ކުންފުނިތަކަކީ މަސައްކަތްތައް ފުނި ޖެހިފައި ހުރި ކޮރަޕްޝަންގެ ހާލިތަކެއް ކަމަށް ވެސް އޭނާ ވަނީ ވިދާޅުވެފައެވެ.
ސްލޯ ކަމުންތަ ކަލޯ މެން ރަށުގޭ 2 އަހަރު ތެރޭ 100 ފުލެޓު އެ އެޅީ… މިހާރު އެޅެނީ ތަން ހަވާލު ކުރަން…
ޔާމީނު ވެރިކަމުގޭ ބިންގާ އެޅި ގޮތަށް 5 އަހަރުން ނުނިންމާ ބެހެއްޓި 10 ކުލާސް ރޫމްތައް ނިންމީ ވެސްް މި ސަރުކާރު އޭސް….
ކަލޯ ދައްކާ ވާހަކަ މިހާރު ނޭފަރު މީހުން ގަބޫލެއް ނުކުރާނެ…